吃喝玩樂

邊間先唔係劣食?
超市盒裝壽司大比拼

巴絲打9個月之前發表

雖然壽司並冇經歷熊熊烈火試煉,又俾人話係白痴港女「傻的嗎,生勾勾」嘅代名詞;之但係食得多 火腩飯,有時都唔想再食到咁膩,壽司確實係一個唔錯嘅選擇。想去壽司店食,出名抵食好食嗰啲成日大排長龍,若果唔係約咗朋友,不如簡簡單單去附近超市買盒過口癮算啦!由於我哋唔係劣食圑團友,所以揀咗TASTE、Market Place同埋AEON 三間高檔少少(好似係)嘅超市,睇吓佢哋嘅壽司邊間比較好食!
TASTE
原本我哋諗住逐間買幾件同款壽司比較,點知筆者去到第一間TASTE就已經觸礁!原來喺預算之內買唔齊想要嗰幾款壽司。咁不如改變策略,set定一個大概金額同指定壽司款式,買兩盒約$80左右嘅壽司組合返嚟,再 同其他對手比較份量。

同一價錢件數最少
相若嘅價錢,TASTE兩個壽司組合加埋數量其實唔多,係三間之中最少, 而且當中並冇乜嘢「名貴」材料。不過唔好淨係用件數去計咁片面,事關當你一夾起嚟同另外兩間一比,就會發現壽司上面嘅魚生係明顯厚身好多,尤其個花之戀更加係幾墜手!

魚生用料好惟飯質較差
除咗夠厚身,平均計魚生質素其實喺三間入面TASTE亦係最好,唔見有偷工減料。不過,壽司畢竟係壽司,冇理由唔去計嚿飯嘅。其實真係好奇怪, 既然啲料都落得幾足,點解個飯會咁乾身嘅?竟然喺壽司飯度失分,令人 百思不得其解。豉油方面比較特別,香得嚟帶有少少酸味。

評分
分量:★ 魚生:★★★
飯:★ 配料:★★★

豉油香中帶有微酸,幾特別

件三文魚最厚

帶子亦又厚又乾身
Market Place
到Market Place買壽司嘅時候,筆者發現有唔少額外特價組合。講緊唔係因為擺耐咗改做特價嗰啲,而係由頭到尾都賣緊特價。可惜由於特價組合壽司款式不符合比拼資格,如果唔係Market Place毫無疑問係最高性價比嘅一間。最後,筆者選擇用同TASTE花費相若嘅價錢去買正價壽司組合, 咁至齊晒款式成行。

中庸之道最平均
其實即使唔計額外特價, Market Place壽司組合仍然比TASTE平,相若價錢可以買多大約三分一嘅件數。不過Market Place壽司上面塊魚生又唔夠TASTE嘅咁厚,所以實際上抵食程度又唔係臝好多,但相同價錢可以揀多幾件唔同類型嘅壽司,感覺相對良好一啲。

魚生尚可個飯易散
數量多,咁魚生水準又如何昵? Market Place壽司嘅魚生質素中規中矩,當 中三文魚明顯比較肥美,值得一讚。可惜,佢哋竟然又係衰喺嚿飯度,事關佢一夾就散,就算你夾得起去點豉油,最後都要剩低半嚿飯喺豉油碟,夾件壽司夾到咁騖心動魄,好大壓力呀喂!至於豉油同wasabi,質素只屬普通。

評分
分量:★★★ 魚生:★★
飯:★ 配料:★

包裝好靚,點知好淡味

三文魚肥美甘香

帶子上面仲有魚子裝飾
AEON
由於AEON旗下有壽司及日式便當嘅外賣店Bento Express,所以大家食到AEON出品嘅壽司機會比TASTE同Market Place大。不過,原來AEON 超市部賣嘅壽司會相對Bento Express高級少少,單價亦會貴一啲。

數量多又最平
AEON呢兩個壽司組合同Market Place數量相若,但總體價錢就平咗幾蚊,「理論上」佢算最平,但睇返啲料又爭咗少少,結果打成平手。相比另外兩間,AEON壽司飯質素明顯較好,結實唔易散。至於魚生質素認真一般,味道相當平淡。最值得讚嘅係豉油同wasabi質素甚高,豉油夠香,wasabi有質感而唔係得個辣字。 總之一分錢,一分貨啦!

評分
分量:★★★ 魚生:★
飯:★★★ 配料:★★★

Wasabi都食到有質感,認真唔錯

魚生比較淡薄

帶子睇落都冇咁靚
總結
食壽司究竟係為咗食條魚生勾勾嘅肥美,定還是品嚐魚生同醋飯天衣無縫嘅配合?其實大家心中有數,百幾蚊食十零廿件壽司,唔係咁有生活態度啩,誠實啲好,只要件數唔好太少,魚生唔好太薄,都一定會返啅啦。

TASTE塊魚生係大件,氹女朋友就啱啦,不過首先你要有……唔講傷心事,三間嚟計佢件數最少,自己一個食嘅話, 唔係首選;AEON個飯同份量都相當有水準,可惜魚生太薄,食飯多過食魚,所以今期係Market Place險勝。當然, 如果有巴打不甘於畀成百幾蚊只係食到「呢個水平」嘅壽司,你不妨試吓冧掂壽司櫃個姐姐,等佢畀定貼士你,睇吓 要幾時幾分入貨先最新鮮,好彩嘅話,仲可能醒多包陳年豉油過你。

相關文章

更多文章

《鄧寇克大行動》
救得一個得一個

 KS 於 4小時之前發表

拍過漫天星際、超級英雄、罪犯,連至連超難拍魔術題材都有涉足的「神導」基斯杜化路蘭,今回首度觸及歷史題材,執導《鄧寇克大行動》—於二次大戰期間,英法聯軍於法國鄧寇克,被德軍步步進逼,...

詳細閱讀

《Pokemon Go》首個大型活動噓爆結束

 航仔 於 4小時之前發表

《Pokemon Go》喺香港嘅熱潮雖然減退,但外國仍然相當流行,早前Niantic公布於芝加哥Grant Park舉行首個大型活動「Pokemon Go Fest」,講到明會有稀...

詳細閱讀

集80年代流行文化大成
史提芬史匹堡新作《Ready Player One》

 航仔 於 5小時之前發表

導演史提芬史匹堡新作《Ready Player One》預告見街,正如改編自同名科幻小說,劇情同虛擬實境及大量流行文化元素有關。故事講述2025年現實生活枯燥無味,新世代人類「mi...

詳細閱讀

《Captain Marvel》發生於90年代
Nick Fury雙眼健全現身

 航仔 於 6小時之前發表

現時有關《Captain Marvel》電影資料相對較少,最近Marvel Studios總裁Kevin Feige喺SDCC座談會上終於透露相關資訊,電影故事背景定於90年代早期...

詳細閱讀

《正義聯盟》4分鐘預告暗示超人歸隊

 航仔 於 8小時之前發表

美國SDCC動漫展精彩消息一浪接一浪,先嚟係《正義聯盟》長達4分鐘嘅預告片,為導演薩克薛達離任後嘅首個官方宣傳片段,畫面較光猛,部分畫面色彩比上一段預告調得略為鮮艷。......

詳細閱讀

《悍戰太平洋2》宣傳短片曝光
五部全新機體亮相

 航仔 於 1日之前發表

機械人打怪獸自細睇唔少,但上得大銀幕而又夠熱血首推《悍戰太平洋》,續集《Pacific Rim: Uprising》宣傳短片以招聘駕駛員廣告形式公布,同時機甲獵人官網GoJaege...

詳細閱讀