吃喝玩樂

米衛門即叫即整秘制飯糰
拜人:「抵食,堅好食!」

拜人8個月之前發表

嚟緊喺炮台山開間專賣飯糰嘅小店,標榜即叫即整。講到好似好正咁,筆者就膽粗粗走去試下係咩一回事,食落,嘩!你賣五十蚊成個餐?你依家呢度好平租咩?筆者腦裡面第一句浮現出嚟嘅說話,絕對冇誇張。
呢間取名「米衛門」嘅小店位於炮台山附近,舖仔細細坐唔到好多人,但近距離就有齊酒店、民居同商廈,所以理應都係做外賣為主。聽老闆Dominic講,雖然依家仲未開業,但已經好多附近工作嘅朋友嚟問定佢拎外賣紙。見佢乜都即叫即整,筆者真係有少少替Dominic擔心Lunch時間會唔會整唔切畀客人,如果真係附近工作嘅朋友想Lunch食到,筆者都係建議你早少少叫定好。
◆ 老闆Dominic本身同時亦係一位藝人,筆者唔係HEHE都覺得佢靚仔。
即叫即整雖然要等,不過相信好多人都會認同只要係好食,等下都值得,所以始終重點都係食物品質。據Dominic講店內全部食品都係由佢同身邊好多朋友一齊食過覺得都好好食先推出,所以好有信心每一樣都係正。不過佢個人就特別推介咗炸蝦飯糰、夏威夷式三文魚生食同埋章魚燒,仲即刻叫大廚整出嚟畀筆者試試。
◆ 未食佢之前冇諗過飯糰係可以咁好食。
大家見到相中炸蝦飯糰係切開咗,其實因為係筆者要求,因為要影相畀大家睇下入面隻炸蝦比例如何嘛,不過筆者試食嘅就係完整嘅一舊飯。先咬走蝦尾,再一啖咬落去,不得了,香軟嘅飯包住脆脆嘅炸皮內裡再有彈滑鮮味嘅蝦肉,口感有層次以外各部份嘅味道亦調得恰到好處,份量啱啱好。
◆ 呢個飯睇就一般,但食落真係會擔心以後食唔返點算。
唔好睇張相好似得半碗飯,但其實因為個碗都幾大,實際份量都有兩飯碗以上。因為筆者當時都仲幾肚餓,急不及待就食咗幾啖。咦?乜都冇加都咁好味嘅?原來呢個飯不論三文魚定係個飯都有以秘制方式調過味,魚肉鮮味且煙韌,飯本身亦以唔同嘅方式烹調過,味道可以用天衣無縫嚟形容。
◆ 一口一粒脆皮流心章魚丸。
一份六粒嘅章魚丸大小比市面一般嘅細,味道同市面一般嘅差不多。不過內裡章魚肉嘅比例會較多,塗上嘅醬料唔會好似市面一般食到嘅咁濃味。如果要筆者畀分數,呢個章魚丸亦非常高分,主要在於佢燒完之後有再炸過,所以表面會有一層薄薄嘅脆皮,內裡則係流心嘅質地,而且造細咗一粒放入口啱啱好,講口感要比一般嘅贏十條街。

以上三種食品喺市面並唔難搵,但好難搵到口感味道比得上米衛門,尤其當你睇到佢嘅價錢都算合理,而且仲有更抵食嘅套餐選擇,如果大家想試嘅話都係避開Lunch Time呢啲繁忙時間比較好。

◆ 米衛門會由朝早8點開到晚上11點,不過中間有兩段落場休息時間,要注意喔!
米衛門
地址:炮台山電器道160號木蘭苑地下A號
電話:2265 7599

相關文章

更多文章

《鄧寇克大行動》
救得一個得一個

 KS 於 4小時之前發表

拍過漫天星際、超級英雄、罪犯,連至連超難拍魔術題材都有涉足的「神導」基斯杜化路蘭,今回首度觸及歷史題材,執導《鄧寇克大行動》—於二次大戰期間,英法聯軍於法國鄧寇克,被德軍步步進逼,...

詳細閱讀

《Pokemon Go》首個大型活動噓爆結束

 航仔 於 4小時之前發表

《Pokemon Go》喺香港嘅熱潮雖然減退,但外國仍然相當流行,早前Niantic公布於芝加哥Grant Park舉行首個大型活動「Pokemon Go Fest」,講到明會有稀...

詳細閱讀

集80年代流行文化大成
史提芬史匹堡新作《Ready Player One》

 航仔 於 5小時之前發表

導演史提芬史匹堡新作《Ready Player One》預告見街,正如改編自同名科幻小說,劇情同虛擬實境及大量流行文化元素有關。故事講述2025年現實生活枯燥無味,新世代人類「mi...

詳細閱讀

《Captain Marvel》發生於90年代
Nick Fury雙眼健全現身

 航仔 於 6小時之前發表

現時有關《Captain Marvel》電影資料相對較少,最近Marvel Studios總裁Kevin Feige喺SDCC座談會上終於透露相關資訊,電影故事背景定於90年代早期...

詳細閱讀

《正義聯盟》4分鐘預告暗示超人歸隊

 航仔 於 8小時之前發表

美國SDCC動漫展精彩消息一浪接一浪,先嚟係《正義聯盟》長達4分鐘嘅預告片,為導演薩克薛達離任後嘅首個官方宣傳片段,畫面較光猛,部分畫面色彩比上一段預告調得略為鮮艷。......

詳細閱讀

《悍戰太平洋2》宣傳短片曝光
五部全新機體亮相

 航仔 於 1日之前發表

機械人打怪獸自細睇唔少,但上得大銀幕而又夠熱血首推《悍戰太平洋》,續集《Pacific Rim: Uprising》宣傳短片以招聘駕駛員廣告形式公布,同時機甲獵人官網GoJaege...

詳細閱讀