吃喝玩樂

豊洲水産殺到油麻地
加入全新飛天黑鮪更多選擇

KM1個月之前發表

來自東京築地嘅豊洲水産海鮮丼専門店之前登陸香港即時已經引起好多港人注意,而且日日都大排長龍。但對於一啲唔太過海去港島嘅朋友嚟講,可能就未必試過佢哋新鮮甜美嘅海鮮丼有幾好味。不過依家大家都有機會喇,事關佢哋喺油麻地嘅分店已經正式開業,仲引入全新嘅飛天黑鮪等大家更多選擇。要帶女朋友去食好嘢又多一個好地方喇!
今次我哋嚟到豊洲水産海鮮丼専門店全新油麻地分店,就係同大家試食一下佢哋新菜單上見到嘅全新飛天黑鮪系列美食同埋其他幾款同樣係新增嘅丼物同小食。無謂多講,先介紹一下呢幾款美食:
雲丹丼伴三文魚籽溫泉蛋 
呢個每日限量20客嘅雲丹丼有一座山仔嘅北海道馬糞海膽配以一層厚厚嘅飛天黑鮪魚腩蓉,實在令人睇見就興奮。用上有海膽王之稱嘅北海道馬糞海膽,味道份外鮮甜。黑鮪則由專家嚴格挑選後即時冰鮮處理再每日空運抵港,以保持魚肉原有嘅鮮味。隨丼仲伴上日本直通三文魚籽溫泉蛋,將全部海鮮連同米飯一齊放入口,三重極緻鮮味同時爆發……嗰種味道真係點都要一試!(價:$398)

招牌刀琢飛天黑鮪魚腩蓉丼
成個丼主Sell油香味重嘅飛天黑鮪,配以三文魚籽、甜蝦、鮑魚仲有醬油蛋,你會覺得鮮味恰到好處。另外再加上味道清新嘅柚子碎、山芋粒同青瓜粒等,除更突顯海鮮鮮味亦加入咗爽脆口感,係意想不到嘅絕配。(價:$198)
大漁豊洲水産海鮮丼 特盛
成個餐牌樣樣都想試但又決定唔好食乜好?咁不如就食呢個大漁豊洲水産海鮮丼 特盛。丼內有齊黑鮪魚腩蓉、黑鮪赤身、三文魚籽、帆立貝、牡丹蝦、北海道響螺、油甘魚、松葉蟹、鮑魚、熊本縣產醋鯖魚、飛魚籽同特製醬油煮蛋,等你可以一次過試盡唔同嘅海鮮美味。你絕對會發現原來每一款都比你平時食到嘅喺唔同嘅水平。(價:$388)

值得一提係每款丼都會附上一碗用魚骨熬製嘅味噌湯,飲起嚟更有風味。另外其特製嘅米飯更加可以無限添食,一個丼飯入面咁多料,唔使驚話唔夠米飯配合或者唔夠飽啦!


如果有個別海鮮你特別鍾意,其實仲可以加錢另上,等你味蕾一次過得到最大嘅滿足。

你甚至可以一次過加晒全部配料上去原本個丼度,同女朋友兩個人Share一個飯夠晒浪漫。

和風芽菜豬肉片蛋券,爽口清甜又惹味,試過一定愛上。(價:$38)

飛天黒鮪山芋蓉,將將黒鮪刺身浸浴於山芋蓉中,味道清新又健康。(價:$48)

鹿兒島產軟骨魚蛋串,魚鮮味濃,爽口彈牙魚肉包住煙韌雞軟體,口感層次豐富。(價:$48)
親身試過以上各種美食之後,會發現佢哋嘅味道、口感都完完全全同喺東京築地食到嘅完全相同,以佢哋嘅價錢似乎喺香港好難搵到呢個質素!

講返豊洲水産本身喺東京築地一向以批發水產為主,早前登陸香港就以海鮮丼専門店嘅形式同港人見面,主要賣點係採用佢地自己由日本直送嘅水產,唔單只夠新鮮,仲更加係有質素,任何節日帶女朋友去食都肯定冇詐型。依家仲多左油麻地分店你揀,唔使過海冇籍口唔去試下啦!



相關文章

更多文章

【教主點睇】iPhone/iPad駁底座變MacBook?

 女漢子 於 1小時之前發表

Apple周不時就會呈交新專利,日前一份文件被有關部門公開,iPhone、iPad未來可能有一個底座配件,造型似MacBook,得個殼要靠iPhone/iPad做中樞。<......

詳細閱讀

Plantronics發布三款全新藍牙耳機

 女漢子 於 3小時之前發表

Plantronics噚日發布咗三款產品,包括BackBeat Pro 2及BackBeat 505無線藍牙耳機,以及Voyager 5210藍牙工作耳機,體積輕巧,即日起於各大經...

詳細閱讀

「放飛機」,大商機?

 資料由客戶提供 於 8小時之前發表

「放飛機」呢個詞語會令你諗起啲咩? 以前,可能會聯想到一個失約的人;但今時今日,一定會聯想到航拍。航拍係咩,相信都不用多解釋,一架附有鏡頭的模型飛機,隨時抬頭望天都可能會見到一隻。...

詳細閱讀

脆雞滋味更突顯
新Signature「東京之夜」

 KM 於 22小時之前發表

麥當勞早前推出咗三款全新口味Signature系列產品,實行以高檔次去吸引有更高要求嘅客人。估唔到佢哋咁快又推出一款新嘅Signature口味,就係呢個「東京之夜」。講到明「東京」...

詳細閱讀

Netflix《死亡筆記》主角回應選角爭議

 航仔 於 23小時之前發表

Netflix《死亡筆記》首輪前導預告及劇照出爐,又掀起選角問題,不幸繼《鐵拳俠》之後再「中招」,可謂頭頭碰著黑。Nat Wolff飾演主角夜神月、Keith Stanfield飾...

詳細閱讀

老任承認Joy-Con「製作偏差」導致不同步

 女漢子 於 1日之前發表

任天堂Switch一對Joy-Con手掣可以獨立拆出,以無線方式遊玩,部份用家發現左、右兩邊手掣同步率不相同,左邊訊號往往接收較慢。任天堂向傳媒發聲明,表示「製作偏差」(manuf...

詳細閱讀