吃喝玩樂

大手拎巨劍
Metal Build紅迷Powered Red配150菊一文字

KM16日之前發表

唔知點解,筆者自己一向都對巨手形嘅機械人情有獨鍾,例如之前嘅Gundam Age-1 Titus、革命機Valvrave三號機等。不過講到最希望出玩具/模型嘅,一定係紅色迷惘高達強力型。終於,笨大都成存咗筆者呢個心願,為Metal Build紅迷再推出呢套巨手裝備,仲要整埋支150菊一文字畀你(雖然得個劍柄)。筆者當然第一時間狗衝訂佢返嚟。等了又等,呢套仲貴過主體本身嘅Option Set終於到咗貨,依家就同大家睇下正唔正先。
仲記得當日Metal Build紅迷出嘅時候簡直劣評如潮,好多人覺得飛行背包要另買仲要畀人炒到貴一貴好呃錢、配件又唔多(主要話佢冇跟虎徹)、主體又擺唔到好大動作、仲有隻角又勁易甩……不過單純計身形比例同配色設計係型嘅,而且主體實際比睇落更墜手,關節感覺亦好實淨。而其實睇返Metal Build紅迷本身並冇乜點落過價,而到咗依家呢套巨手Option Set到貨,主體更加係好難買得到,證明佢雖然被劣評,但其實都仲係幾受歡迎。

好喇講返今次呢個Powered Red嘅Option Set,如果唔計啲支架同座,基本上就係得大手背包同個150菊一文字個劍柄。不過根據劇情,支劍柄後期係被改成一支大砲,而且仲有幾個位可以拆出嚟變做唔同嘅武器,今次呢套Option Set亦有造出嚟畀你。
◆ 右邊就係今次要介紹嘅Option Set
◆ 盒入面就得咁多嘢
◆ 對大手本身可以就咁擺出嚟
◆ 筆者個人幾鍾意呢個四手模型
◆ 大手係先以背包型式安裝喺背部
◆ 裝咗對手感覺好誇張
◆ 雙膊可以向上感覺會更型
◆ 手部兩個圓蓋可以拉出嚟
◆ 每隻手指都可以全關節郁動
◆ 菊一文字依家係用一支小臂扣住
◆ 150菊一文字劍格可以拆成四件小武器
◆ 劍首亦可以拆個「盾」出嚟
◆ 後期呢個「劍柄」改成一支大炮,所以會有「槍柄」
◆ 按比例呢支150菊一文字應該會有1.5米長(連劍身),所以手柄都長過人。
◆ 只有大手先可以拎到150菊一文字上嘅武器
◆ 話說呢個就係紅迷拎住150菊一文字嘅「劈友」姿勢,其實真係幾唔合理
對大手以背包型式安裝於背部,然後拆除原本隻手再將一隻大手翻向前方安上。所以中間會有一個「四手形態」。筆者個人覺得呢個形態幾靚,但因為背部會太重,相擺靚姿勢一定要落支架。當筆者要將雙大手安放上去,發現位置角度好難掌握,因為雙手轉向前嘅位置有兩個關節,要兩個關節都啱角度先可以安裝到,而且唔係好穩。雙手大小比原設定再大咗好多,但筆者發現咁先叫勉強「抬得起」把150菊一文字。雙動可動程度非常大,而且五隻手指全部關節可動,想擺靚佢真係需要好多心機。至於150菊一文字劍柄,筆者發現其設計算係非常精細,但相信由於要「托起」嘅關係,整個劍柄全無金屬組件,拎起嚟輕飄飄咁,相對主體有一定嘅重量,感覺有啲怪。整個偷柄可以拆成多年唔同武器,但大部份都要用大手先拎得到,好似冇咁好玩。可能因為劍柄本身就係就住日本刀嘅風格而設計,以往細劍唔覺,依家就可以仔細咁去欣賞其日本元素設計風格,會發現每個位都設計得非常細緻,且風格統一,如果用返金屬去製作,感常會更好。

整體而言,筆者覺得呢套大手Option Set算係好玩,但真係唔算太靚,畢鏡對手造大咗太多。支劍柄亦都係好玩,但相信唔會太多人真係拎嚟玩。畢竟佢都係魂限型式發售,所以價錢比主體仲要貴,即使係鍾意紅迷嘅朋友,都真係未必願意入貨。

相關文章

更多文章

追加防水機身
「縮小V20」LG Q8歐洲上場

 女漢子 於 1小時之前發表

LG日前喺歐美市場加推一部新手機Q8,同「縮小G6」Q6一樣,係V20嘅變奏版,將屏幕尺寸減少及加入IP68防水機身。......

詳細閱讀

傳統大廠Bowens執笠賴中國品牌

 KM 於 2小時之前發表

最近喺專業攝影界發生咗件大事,就係其中一個傳統專業燈光設備大品牌Bowens要關門大吉。呢個有94年歷史嘅品牌,曾經係唔少專業攝影師嘅最佳拍檔。......

詳細閱讀

用S835 但得4GB RAM
LG V30規格曝光?

 蛇叔 於 2小時之前發表

每次新機推出之前GeekBench 都會搵到蛛絲馬跡,近日終於輪到LG 有新型號於網上曝光,估計好可能會係8月底推出嘅V30。......

詳細閱讀

係真人化…《ONE PIECE》美劇敲定開拍

 女漢子 於 2小時之前發表

嗰頭《死亡筆記》Netflix版出預告,呢頭另一套動漫作品又被帶到去美國真人化。噚日喺《ONE PIECE》連載20周年紀念記者會上,官方就公布《ONE PIECE》將開拍真人版,...

詳細閱讀

拿起相機 讓興趣變成事業
名師教授數碼商業攝影文憑課程

 資料由客戶提供 於 3小時之前發表

喜歡四處走用攝影作記錄、享受按下快門的一刻,卻又從事著與攝影無關的工作,每日重重複複過得亳無意義?很多人礙於現實各種理由,往往不敢嘗試走出舒適圈,探索自己的潛能而錯過了所有的可能性...

詳細閱讀

微軟GLAS恆溫器睇落好高科技

 航仔 於 18小時之前發表

微軟智能家居終於搬出殺手鐧?佢哋同Johnson Controls製作GLAS恆溫器,GLAS配備一個半透明觸控顯示屏,用戶可調節室內溫度、檢查能源消耗、空氣質素,以及查看日曆資訊...

詳細閱讀