吃喝玩樂

《GUNDAM VERSUS》新系統有咩唔同?
Zero建議最易用機體

Zero10日之前發表

◆ 基本介面同以前冇咩分別,左上角係總戰力,左下角係血量,右邊係武器殘彈數
最新一集高達對戰作品《GUNDAM VERSUS》終於都於正式推出喇!一向所有高達Game都一定有人話貴(因為真係貴過人),但計我話最緊要係了解咗先,啱玩嘅幾錢都要買架啦。所以等我做過少少嘅包膠,順便分享下個人心得喇。
如果你有喺家用機玩過上集PS3年代嘅作品《Mobile Suit Gundam Extreme VS. Full Boost 》(PSV嗰集《EXTREME VS-FORCE》我哋就無視佢喇)或者係街機版本嘅《GUNDAM EXTREME VS. MAXI BOOST ON》,基本系統例如點飛點玩,戰力點計,除左少少意思上同數字上,其他野係無改變過嘅,最多話個節奏快左,所以唔提太多。

最大分別係多咗個落地系統同Striker系統
落地系統官方名叫「Boost Dive」,可以扣除自己嘅Boost向下急速移動,亦由於今集嘅攻擊少咗落地效果,實試之後依個系統對遊戲嘅影響都相當大,可以睇下日本人嘅示範,點樣運用「Boost Dive」令人捉唔到落地。通常做法係會用完STEP CANCEL之後再Boost Dive 落地,咁樣硬直好似係最少。

◆ 會有一下藍光出現,之後機體會向下急速移動,係新系統「Boost Dive」,Striker制同飛制一齊按就出到
另一個最大改動係多咗「Striker系統」,前作入邊Striker並唔係部部機都有,只係某啲指定機體嘅特殊武器。今集就完全拆出黎做一個獨立系統,而且可以完全自選用邊隻機體當係你嘅Striker,不過Call Striker就有次數限制,越勁嘅Striker使用次數當然就越少。
◆ Striker並唔需要同作品機體先用得,就好似巴巴托斯一樣用到W做Striker
而Striker一開始只係會畀你用三隻,之後要開其他Striker有唔同條件,大多數係會叫你將某部機體升到指定LV,之後再用遊戲入邊嘅GP點買。
◆ 頭3隻比你用嘅Striker
◆ 開Striker嘅條件,都係叫你不停升機體LV
新手入坑用邊部機好?
今次《GUNDAM VERSUS》可以用嘅機體一共有96部,雖然比起之前嘅作品好似少左選擇,就好似喺香港都幾受歡迎嘅《機動武鬥傳G》系列都未參戰。(係呀我話未而唔係無,你估Bandai唔會出DLC咩?)但作為新手,都一樣會花多眼亂!咁點樣選擇好?當然係睇下有無愛啦廢話。但如果冇特別偏好嘅,不妨選擇400或者300戰力嘅機體,
因為總戰力只得1000,如果選擇500戰力一死兩次就會完,200戰力能力又太弱,所以400或者300戰力唔單止無咁大壓力,隊友可以選擇嘅組合又可以多D,拎嚟上手係絕對不錯。

根據日本玩家嘅意見「Freedom同ZZ」暫時都係400機體入邊最強嘅機種,而300機體就可以選擇閃電、強人、重炮手等等。不過我個人就幾建議新手選用F91,佢殘影系統下嘅BC格鬥實在太勁。
◆ 近期最受歡迎嘅鐵血系列一定有啦!
◆ 日本好多人話閃電好勁,但我就唔太識用,教你地唔到
◆ 個人推薦必學機體F91,殘影下嘅BC格簡直係可以話恐怖,無殘影就走,堅煩
總結:
如果你係有玩開街機嘅《GUNDAM EXTREME VS. MAXI BOOST ON》,或者你會覺得分別唔大,但係遊戲嘅完成度真係相當高,就算係之前冇接觸開嘅玩家,我相信都會對今次呢次作品幾滿意,唯一缺點係機體得96部……咁即係你預定有DLC地獄都得喇~

相關文章

更多文章

追加防水機身
「縮小V20」LG Q8歐洲上場

 女漢子 於 1小時之前發表

LG日前喺歐美市場加推一部新手機Q8,同「縮小G6」Q6一樣,係V20嘅變奏版,將屏幕尺寸減少及加入IP68防水機身。......

詳細閱讀

傳統大廠Bowens執笠賴中國品牌

 KM 於 2小時之前發表

最近喺專業攝影界發生咗件大事,就係其中一個傳統專業燈光設備大品牌Bowens要關門大吉。呢個有94年歷史嘅品牌,曾經係唔少專業攝影師嘅最佳拍檔。......

詳細閱讀

用S835 但得4GB RAM
LG V30規格曝光?

 蛇叔 於 2小時之前發表

每次新機推出之前GeekBench 都會搵到蛛絲馬跡,近日終於輪到LG 有新型號於網上曝光,估計好可能會係8月底推出嘅V30。......

詳細閱讀

係真人化…《ONE PIECE》美劇敲定開拍

 女漢子 於 2小時之前發表

嗰頭《死亡筆記》Netflix版出預告,呢頭另一套動漫作品又被帶到去美國真人化。噚日喺《ONE PIECE》連載20周年紀念記者會上,官方就公布《ONE PIECE》將開拍真人版,...

詳細閱讀

拿起相機 讓興趣變成事業
名師教授數碼商業攝影文憑課程

 資料由客戶提供 於 3小時之前發表

喜歡四處走用攝影作記錄、享受按下快門的一刻,卻又從事著與攝影無關的工作,每日重重複複過得亳無意義?很多人礙於現實各種理由,往往不敢嘗試走出舒適圈,探索自己的潛能而錯過了所有的可能性...

詳細閱讀

微軟GLAS恆溫器睇落好高科技

 航仔 於 18小時之前發表

微軟智能家居終於搬出殺手鐧?佢哋同Johnson Controls製作GLAS恆溫器,GLAS配備一個半透明觸控顯示屏,用戶可調節室內溫度、檢查能源消耗、空氣質素,以及查看日曆資訊...

詳細閱讀