吃喝玩樂

【超邪惡流心狗糧】
日本直送士多啤梨蛋糕炒麵食評

女漢子9個月之前發表

是咁的,相信有去開韓日食品店或者熟悉日本嘅巴絲,都會聽過明星食品出產嘅「一平夜店炒麵」。正常味道係好食嘅,但佢哋非常鍾意製作特殊口味,就好似上月新出嘅草莓蛋糕味。筆者身先士卒托人帶咗盒返嚟試食,一放入口心諗:「我究竟食乜X……」
呢盒麵味道正式名叫Shortcake(ショートケーキ),即係我哋叫開嘅水果忌廉蛋糕。唔使開封淨係望住包裝右上角張相,雲呢拿味蛋黃醬溝士多啤梨乾再溝彩虹條,加上不明白色顆粒,睇圖都知伏味濃。開封後蓋紙有清晰圖解食用指示,唔識日文亦問題不大,不過有個問題:冇叉用,要自備。盒內總共有三包配料,分別係底味醬汁、疑似雲呢拿味嘅白色蛋黃醬同乾料。

包裝紙右上角參考圖令人不安

蓋紙有晒圖同1、2、3,冇理由唔識焗呀?

(左起)超邪惡蛋黃醬、底味醬汁、乾料

包乾料有士多啤梨乾、彩虹條同白色糖粒
跟著落嚟同平時食炒麵王做法差唔多,落滾水到刻線位焗3分鐘、倒水,撈料食得。值得一讚係佢個開倒水位冇香港啲咁慳皮,設計好又實淨,將成盒麵180度倒轉,半條麵都冇瀉出嚟,勁!打開個蓋啲麵味湧出嚟,份量比想像中多,感覺真材實料,不愧係日本出品

落滾水到刻線位

出水位個設計好好,香港應該學習吓

開封,啲麵真係好香
之後落醬先係戲肉,嗰包藍色醬汁係糖漿嚟架喎大佬!抱著必死嘅覺悟開包白色醬汁,聞落冇頭先咁嚴重,但唧落去噁心指數要畀10分,灑埋包乾料就大功告成,好想即刻倒落廁所。掙扎完一輪,撈兩嘢放入口,首先襲來一陣老麥熱香餅餐糖漿甜味,夾雜少少鹹味,忽然又食到滑潺潺嘅白色醬汁,然後係脆口嘅士多啤梨乾同白色粒粒(食完到而家都唔知佢咩嚟,忌廉乾?)。同一時間3隻味、4種口感喺口腔內交戰,完全分唔清自己食緊甜品定炒麵。雖則盒麵未至於難食到嘔,但再戰?不了。補充一點:啲白色醬汁唔多夠,食到底得番糖漿同鹹味,劣食層次感會高啲。

先落糖漿…成陣化學甜味攻上鼻

然後係雲呢拿味蛋黃醬

整張超近鏡畀大家睇,係咪好衝擊呢?

加乾料,提高成個麵色彩層次

完成品都幾似封面圖

本著不要浪費食物嘅精神,頂硬上食清光
【仿製狗糧】自製香港山寨加強版
對劣食情有獨鍾嘅巴絲如欲跟機,又無法自己買或請朋友仗義入貨,喺度提供個折衷方案畀你:老麥糖漿+士多啤利新地+淨炒麵王,唔使落晒全部嘅,每樣落少少就夠。劣化糖漿加上人造士多啤梨醬同雲呢拿,衝擊程度比起士多啤梨忌廉蛋糕麵有過之而無不及,試食一啖直頭想嘔。好彩冇乜aftertaste,隻味快來也快去,飲幾啖水走七成,唔似得蛋糕麵咁要飲兩杯茶先散得走一半,如果食完唔記得洗手,隻味留喺手指頭足足一個鐘,感覺幸福美滿。

集齊三樣神器

個樣核突過正版,隻味都係
【預告】一平夜店炒麵朱古力醬2017版
利申,筆者冇自虐傾向,但今個月新出嘅「一平夜店炒麵朱古力醬2017版」將繼續以友情托運方式月底抵港,到時會做死士食多次。筆者曾親身現場睇朋友示範食舊版本,聞到隻味即刻彈開三呎走避,高lv過士多啤梨忌廉蛋糕,有興趣嘅巴絲敬請留意。

相關文章

更多文章

49吋超闊電競曲面屏幕
Samsung CHG90

 東 於 10小時之前發表

電競近年成為熱潮,三星最近亦推出電競曲面顯示屏系列,包括超闊49吋32:9屏幕CHG90、進階級CHG70(27、32吋)及入門級CFG73(24、27吋)。......

詳細閱讀

結婚係一個伏嚟

於 11小時之前發表

首先結婚之前嗰啲扮賢淑扮聆聽者,
一結咗已經無晒。

結完之後唔使做每個月比大半糧佢,飯都唔煮,淨係日日撳電話唔知佢撳乜春。
到老公放假佢又要自己返外家自己...

詳細閱讀

佐斯布連稱《X-Force》最快下年開拍

 航仔 於 12小時之前發表

據《死侍2》Cable男星佐斯布連透露,《X-Force》可能最快喺下年開始拍攝。Cable定於《死侍2》內首度登場,並且最終會成為X-Force嘅隊長。......

詳細閱讀

Activision新專利:對戰配對系統鼓勵課金

 航仔 於 13小時之前發表

今時今日遊戲斬件分開賣已經係平常事,近排仲流行買完game再課金抽箱,遊戲會故意設定到極難升級,引導玩家「走捷徑」畀錢抽箱刷裝。至於Activision更將鼓勵課金招數昇華,早兩日...

詳細閱讀

內置觸控感應旋鈕
Logitech CRAFT

 東 於 1日之前發表

遊戲鍵盤加入不同的快捷鍵協助玩家作戰,而Logitech CRAFT為方便工作,則加入一個名為「Crown」的鋁製觸控旋鈕,讓用戶全面控制各種應用程式及輸入資料。......

詳細閱讀

EA關閉Visceral Games
大改《星戰》遊戲開發方針

 航仔 於 1日之前發表

EA又「KO」一間遊戲工作室!EA執行副總裁Patrick Soderlund宣布關閉旗下Visceral Games,並大改該團隊正開發《星戰》項目嘅方針。Visceral於20...

詳細閱讀