吃喝玩樂

伊藤潤二展香港站
「人頭氣球」上線啦!

8個月之前發表

早前台灣舉辦嘅伊藤潤二恐怖美學體驗大展終於嚟到香港喇!漫畫大師伊藤潤二早以題材及畫風嚇人而負盛名,而當讀者嘗試深究其中,不難發現漫畫中嘅「恐怖」全跟「人性」有關,其作品之深度可以媲美現當代文學作品,此乃後話。
當日主辦方知道會嚟香港辦展,仲邀請咗伊藤潤二老師特地來港考察!聽聞伊藤老師抵港後,最令佢心花怒放嘅竟然係……雪糕車?冇錯!就係雪糕車!是次展覽除咗承繼台灣主辦單位嘅經驗,亦添加唔少香港元素,估唔到原來雪糕車都係其中一環。(詳見伊藤潤二作品《賣冰琪琳的車子》)

今次展出嘅內容包容伊藤潤二30年創作生涯嘅經歷,當然亦會展出同詳細咁介紹佢多個經典作品,包括《富江》、《人頭氣球》、《至死不渝的愛》同埋《漩渦》等,完全可以滿足各位Fans。

配合AR裝置 恐怖程度更高
展區仲特設AR效果,展廳內容表面睇只係掛咗漫畫中嘅分格頁,但當你戴上會場特製嘅AR裝置,分格頁就唔止係一幅掛畫咁簡單……佢仲真係會活生生咁喺你眼前郁動起嚟,而且仲會有恐怖嘅聲音配合,感覺可能比平時就咁睇漫畫更強烈千倍。

設香港站獨家專區
唔講唔知,原來伊藤老師早期冇受過任何作畫訓練!佢當初由齒模技工轉行畫漫畫,全靠自己一手一腳摸索出來!難怪同大部分漫畫家習慣用嘅網點製作不同,老師更擅於利用唔同嘅畫具去呈現自己想要嘅構圖同意象,可謂獨樹一格。今次香港站會展出部份未曾面世嘅手稿,真正嘅漫畫迷聽到呢點已經把持不住吧?另一方面,今次展出伊藤老師更特地與策劃團隊合作,將其筆下多位主角與港景結合,製作成香港獨家嘅街頭恐怖畫面,淨係呢樣都已經值得大家去欣賞啦!

人頭氣球打卡站 情侶必試
既然係情侶必試……筆者自己一個,就無謂多講,總之大家一齊去試下個「恐怖拍照亭」啦(其實兩個Friend都玩得嘅)。

未入場,先有相關產品得住你跌錢。

今次會有AR效果配合,記得借set眼鏡去感受下。

場入有好多伊藤潤二創作相關嘅資料同唔同作品介紹。

後面架雪糕車咁熟面口嘅?

仲有手稿展出。

恐怖拍照亭?

原來係將你同你個Friend變成人頭氣球……

嘩!上面好多人頭氣球呀!

唔好埋嚟呀!

點解呢位玩AR嘅小姐咁似富江嘅?
展出日期:2017年2月6日至26日
展出時間:10:00 - 21:00(最後入場時間為20:00)
地點:PMQ元創方地下(中環鴨巴甸街35號)
門票:$100、$200套票(包括香港限定人頭氣球布袋(非賣品)、一個極具人氣的吹氣人頭氣球)

相關文章

更多文章

Apple CEO確認Mac mini未死

 航仔 於 1日之前發表

Mac mini係唔少入門Mac用戶嘅首選,不過3年嚟一直都冇再更新,最近MacRumors有讀者寫信畀Apple CEO Tim Cook,詢問有關Mac mini將來嘅發展,雖...

詳細閱讀

爛蕃茄98%新鮮度
《雷神奇俠3》傳媒影評瘋狂讚好

 航仔 於 1日之前發表

雖然電影嘅傳媒優先放映場難以完全作準,成績同正式放映可能有一段距離,但《雷神奇俠3:神域末日》反應實在令人驚喜,於爛蕃茄評級獲98%新鮮度,目前只有45則評論,全部都係來自影評人。...

詳細閱讀

《Boyfriend Dungeon》
在地下城與刀劍談戀愛

 航仔 於 1日之前發表

動作遊戲成千上萬,要跑出真係唔容易。《Boyfriend Dungeon》將劈砍遊戲混合戀愛模擬都仲未算離奇,勇闖地下城嘅勇者並非與公主談戀愛,而係奪取刀劍後同化身為人型嘅武器「交...

詳細閱讀

認證導師教你製作專業3D設計
免費Autodesk 3ds Max設計工作坊

 資料由客戶提供 於 1日之前發表

近年3D技術普及,各行各業應用的層面越來越廣泛,遊戲、電影特效甚至廣告、建築也處處看到其蹤跡。對電影中的異型設計感興趣?對電腦遊戲軟體裡那些栩栩如生的人物動態及形象嘆為觀......

詳細閱讀

49吋超闊電競曲面屏幕
Samsung CHG90

 東 於 2日之前發表

電競近年成為熱潮,三星最近亦推出電競曲面顯示屏系列,包括超闊49吋32:9屏幕CHG90、進階級CHG70(27、32吋)及入門級CFG73(24、27吋)。......

詳細閱讀

結婚係一個伏嚟

於 2日之前發表

首先結婚之前嗰啲扮賢淑扮聆聽者,
一結咗已經無晒。

結完之後唔使做每個月比大半糧佢,飯都唔煮,淨係日日撳電話唔知佢撳乜春。
到老公放假佢又要自己返外家自己...

詳細閱讀