吃喝玩樂

豊洲水産殺到油麻地
加入全新飛天黑鮪更多選擇

KM2年4個月之前發表

來自東京築地嘅豊洲水産海鮮丼専門店之前登陸香港即時已經引起好多港人注意,而且日日都大排長龍。但對於一啲唔太過海去港島嘅朋友嚟講,可能就未必試過佢哋新鮮甜美嘅海鮮丼有幾好味。不過依家大家都有機會喇,事關佢哋喺油麻地嘅分店已經正式開業,仲引入全新嘅飛天黑鮪等大家更多選擇。要帶女朋友去食好嘢又多一個好地方喇!
今次我哋嚟到豊洲水産海鮮丼専門店全新油麻地分店,就係同大家試食一下佢哋新菜單上見到嘅全新飛天黑鮪系列美食同埋其他幾款同樣係新增嘅丼物同小食。無謂多講,先介紹一下呢幾款美食:
雲丹丼伴三文魚籽溫泉蛋 
呢個每日限量20客嘅雲丹丼有一座山仔嘅北海道馬糞海膽配以一層厚厚嘅飛天黑鮪魚腩蓉,實在令人睇見就興奮。用上有海膽王之稱嘅北海道馬糞海膽,味道份外鮮甜。黑鮪則由專家嚴格挑選後即時冰鮮處理再每日空運抵港,以保持魚肉原有嘅鮮味。隨丼仲伴上日本直通三文魚籽溫泉蛋,將全部海鮮連同米飯一齊放入口,三重極緻鮮味同時爆發……嗰種味道真係點都要一試!(價:$398)

招牌刀琢飛天黑鮪魚腩蓉丼
成個丼主Sell油香味重嘅飛天黑鮪,配以三文魚籽、甜蝦、鮑魚仲有醬油蛋,你會覺得鮮味恰到好處。另外再加上味道清新嘅柚子碎、山芋粒同青瓜粒等,除更突顯海鮮鮮味亦加入咗爽脆口感,係意想不到嘅絕配。(價:$198)
大漁豊洲水産海鮮丼 特盛
成個餐牌樣樣都想試但又決定唔好食乜好?咁不如就食呢個大漁豊洲水産海鮮丼 特盛。丼內有齊黑鮪魚腩蓉、黑鮪赤身、三文魚籽、帆立貝、牡丹蝦、北海道響螺、油甘魚、松葉蟹、鮑魚、熊本縣產醋鯖魚、飛魚籽同特製醬油煮蛋,等你可以一次過試盡唔同嘅海鮮美味。你絕對會發現原來每一款都比你平時食到嘅喺唔同嘅水平。(價:$388)

值得一提係每款丼都會附上一碗用魚骨熬製嘅味噌湯,飲起嚟更有風味。另外其特製嘅米飯更加可以無限添食,一個丼飯入面咁多料,唔使驚話唔夠米飯配合或者唔夠飽啦!

如果有個別海鮮你特別鍾意,其實仲可以加錢另上,等你味蕾一次過得到最大嘅滿足。
如果有個別海鮮你特別鍾意,其實仲可以加錢另上,等你味蕾一次過得到最大嘅滿足。
你甚至可以一次過加晒全部配料上去原本個丼度,同女朋友兩個人Share一個飯夠晒浪漫。
你甚至可以一次過加晒全部配料上去原本個丼度,同女朋友兩個人Share一個飯夠晒浪漫。
和風芽菜豬肉片蛋券,爽口清甜又惹味,試過一定愛上。(價:$38)
和風芽菜豬肉片蛋券,爽口清甜又惹味,試過一定愛上。(價:$38)
飛天黒鮪山芋蓉,將將黒鮪刺身浸浴於山芋蓉中,味道清新又健康。(價:$48)
飛天黒鮪山芋蓉,將將黒鮪刺身浸浴於山芋蓉中,味道清新又健康。(價:$48)
鹿兒島產軟骨魚蛋串,魚鮮味濃,爽口彈牙魚肉包住煙韌雞軟體,口感層次豐富。(價:$48)
鹿兒島產軟骨魚蛋串,魚鮮味濃,爽口彈牙魚肉包住煙韌雞軟體,口感層次豐富。(價:$48)
親身試過以上各種美食之後,會發現佢哋嘅味道、口感都完完全全同喺東京築地食到嘅完全相同,以佢哋嘅價錢似乎喺香港好難搵到呢個質素!

講返豊洲水産本身喺東京築地一向以批發水產為主,早前登陸香港就以海鮮丼専門店嘅形式同港人見面,主要賣點係採用佢地自己由日本直送嘅水產,唔單只夠新鮮,仲更加係有質素,任何節日帶女朋友去食都肯定冇詐型。依家仲多左油麻地分店你揀,唔使過海冇籍口唔去試下啦!



相關文章

更多文章

反送中英雄唯唯衝出香港了

於 3小時之前發表

反送中英雄唯唯衝出香港了...

詳細閱讀

嘩,對付一個胡志偉都要放彈?

於 3小時之前發表

純粹睇片判斷,對付胡志偉廢老都要放一粒彈? 搵人過去制伏佢有幾難...

詳細閱讀

犬隊今日放軟手腳係咩原因?

於 1日之前發表

真係不滿政府割蓆?...

詳細閱讀

香港明明係強國唯一逃生窗,點解強國都要搞勁香港?

於 1日之前發表

一立法,擺明美國就會封埋香港
強國連唯一窗口都冇埋,點解仲要咁做?唔明...

詳細閱讀

【震驚外國】華為忽然於手機鎖定螢幕放廣告

航仔  於 3日之前發表

中國品牌手機主介面預載廣告並非新奇,但奇就奇在最近「風頭躉」華為將呢個宣傳招數應用到其他地區。英國、荷蘭、愛爾蘭、挪威、德國及南非等地嘅華為手機用戶紛紛於社交媒體發帖,表示最近手機...

詳細閱讀