吃喝玩樂

試食老麥3款Signature新包
EotF店1800後送餐到面前

KM2年0個月之前發表

麥當勞全線推出三款全新Signature系列新包,用上咗高級嘅食材,連套餐包裝都改埋,再加上客人可以選擇McCafe其中四款食品,實行走高檔路線, 但出嚟又唔係貴過以往一般套餐好多喎!我哋一於狗衝去為大家試下呢三款全新高級食材包包係咪物有所值先。
今次三款就包包括有芝味蘑菇安格斯漢堡、清新田園烤雞堡同埋狂惹火辣脆雞堡。全部採用更高級嘅食材,連其中安格斯漢堡扒都比以往加碼,睇到已經會覺得同麥當勞以往嘅所有包都完全唔同級數。
芝味蘑菇安格斯漢堡
法式甜包配達130g嘅100%安格斯牛肉漢堡扒,再加入車打芝士同白芝士、香烤荷蘭蘑菇、羅馬生菜同埋松露風味醬。筆者親身試過覺得松露醬同芝士夠香、牛肉味濃又Juicy又夠分量,完全係食肉獸之選。

清新田園烤雞堡
鍾意清新口味嘅朋友呢個清新田園烤雞堡就啱晒,用小麥圈夾上嫩滑烤雞,配以墨西哥牛油果蓉、新鮮蕃茄同生菜、蒜香蛋黃醬同白芝士。呢個筆者食落就覺得真係有好濃厚嘅田園風味,牛油果蓉味濃又清新,烤雞夠香夠滑,雖然較油但連同其他田園配料反而夾得恰到好處,口感與味道都一流。
狂惹火辣脆雞堡
要食辣呢個狂惹火辣脆雞堡肯定唔可以錯過。採用意式香軟包配以脆香雞胸扒,配以墨西哥風味辣茄醬、墨西哥小辣椒仲有新鮮生菜同菠蘿。筆者一啖咬落去發現同時會有鬆軟同爽脆口感,酸甜香辣味道亦同時於口中爆發,雖然幾辣但又唔會令人抗拒,甚至會一試上癮!呢度順手提提大家,呢個包可以叫小辣,咁就算真係食唔到辣嘅朋友都可以試到啦!

◆ 新Signature系列連個餐嘅包裝法都唔同
五款McCafe飲品入理餐
隨住Signature系列嘅推出,麥當勞更將四款McCafe當中嘅飲品加入套餐當中畀大家選擇,咁先襯得起呢幾款高貴嘅包包架嘛!呢四款飲品包括Cappuccino、Latte、Long Black同埋冇咖啡成份嘅Oreoccino。

My Signature選擇更多
上面介紹三款包打後會喺全線麥當勞長期供應,大家就可以慢慢去試真唔使咁心急。不過大家覺得仲唔夠嘅話,麥當勞仲提供咗「My Signature」畀大家選擇。以上三款包都分別由唔同嘅麵包、蔬菜醬料同埋牛肉/雞肉組成,而「My Signature」就係畀大家於三組各三款當中自由組合,變成有額外多24款選擇,等大家可以製出最合自己口味嘅款式。

力推EotF講體驗
可能有唔少朋友都已經發現近一年唔少麥當勞分店已經改頭換面,新增咗唔少設備。原來佢哋係想提供一個全新嘅EotF(Experience of the Future)服務模式。內容包括咗自助點餐機、電子餐牌、開放式櫃台、USB充電站、自助水機等。而去到每日黃昏6點以後更會提供送餐到客人面前嘅服務。據有關方面表示,現時已經有60間分店改成EotF模式,計劃去到年底會增加至100間,到時大家就可以好易搵到EotF店去享受新一代嘅服務體驗。

全新開放式櫃台

自助點餐機,會有專人教你點用

除咗既定三個款式,仲可以揀「My Signature」去自選唔同租合

飲品款式亦更多

每晚6點後,點完餐會有專人送餐,記得入返你個牌嘅number呀!

部份位置會USB頭比你充電,不過線要自己帶

依家可以自己斟水,冷熱隨意

相關文章

更多文章

我朋友堅持話嗰個男仔一定係鍾意我

於 2小時之前發表

我愛緊一個人,但係對方唔鍾意我。不過我個朋友就死都堅持話肯定嗰個人係鍾意我,仲話到死嗰日都唔會收番呢句說話。......

詳細閱讀

[重口味] 應該係婚宴最爆嘅迎賓相

於 3小時之前發表

應該係婚宴最爆嘅迎賓相......

詳細閱讀

原來江蘇爆炸咁拎癲

於 3小時之前發表

想感受威力就開大喇叭......

詳細閱讀

有無人可以key巨型阿Joe喺海面?

於 3小時之前發表

有無人可以key巨型阿Joe喺海面?......

詳細閱讀

(慎入) 超驚嚇畫面

於 4小時之前發表

超驚嚇畫面......

詳細閱讀

大家對嘉頓嘅認識除咗什餅仲有咩?

於 2日之前發表

噚日掃超市先發現原來有好X多嘢都係嘉頓出品......

詳細閱讀