吃喝玩樂

《暴雪英霸2.0》新系統新人物新地圖

NG YUK FAI6個月之前發表

Blizzrad正式公布為旗下遊戲《暴雪英霸》推出2.0版本,今日就開始公測,並將於本月27號正式面世。2.0不但有新人參戰同有新地圖畀大家玩,仲有系統上嘅更新,等大家對遊戲保持住有最多嘅新鮮感。究竟今次有乜更新呢?下面就同大家介紹。
再冇等級上限不停贏戰利品
《暴雪英霸2.0》大幅度咁更新咗進度系統,英雄冇咗等級上限,而且每次升級都可以得到「戰利品」,當中會包括升級英雄獨有及「戰利品」獨有嘅物品。另外戰利品亦包括大量外觀上嘅獎勵,甚至有特別嘅語言台詞去串對手。而玩家等級會係手上所有英雄嘅總和,每當升級到一個「里程碑」,玩家得到嘅戰利品將會更稀有。

收藏功能更方便變化亦更大
新增嘅收藏功能取代咗原本嘅商店,玩家不但可以購買新物品、使用碎片製作造型物品同埋瀏覽及分類遊戲各項物品,更加可以為每個英雄裝備最多三組配置,方便玩家隨時Load返出嚟。另外除咗舊有嘅「金錢」,今次亦新增咗「寶石」呢種貨幣,玩家可以透過更多方法穫得寶石以購買更多英雄及造型奬勵。

高速新英雄源氏
今次參戰新人就係來自《鬥陣特攻》嘅源氏,佢嘅特性係身手敏捷而且攻擊力唔弱,例如佢有二段跳可以跨過其他角色過唔到嘅地方,又例如佢嘅手裡劍可以遠距離同時攻擊三個敵人或者近距離為一個敵人造成三倍傷害。不過為咗要保持平衡度,所以源氏係會比較薄血,遇著高攻擊力嘅對手都係走為上著。

來自《鬥陣特攻》嘅源氏今次會參戰。

資深概念美術設計師Peter Lee話源氏用得好其實好好用。
為咗隆重其事,Blizzard今次專程搵咗《暴雪英霸》資深概念美術設計師Peter Lee去到台灣為大家公布2.0嘅相關事宜。而作為香港其中一家有幸被邀參加今次發布大會嘅媒體代表,筆者試玩過之後就捉住Peter問一下點解要將呢個睇落咁勁嘅源氏設定成咁難用。Peter就表示源氏本身就係身手非常好嘅角色,雖然血量比較薄,但只要習慣好好咁操作,就可以發揮到好強嘅力量。(講穿咗即係筆者自己太弱……)

日本風新戰場花村
新戰場方面就有行日本風嘅花村,除咗成個戰場風格都採取日本風(但唔知點解雙方核心係龍),呢個戰場玩法亦唔太一樣。玩家並唔可以直接攻擊敵方核心,而係需要護送己方自動移動炮台到指定地點(當然同時要阻止對方炮台前進),到達後該炮台就會自動變換型態再攻擊敵方核心。


新戰場花村嘅全部地形。

充滿日式風格嘅感覺。

日式庭園中戰鬥。

主要係要護送後面架流動炮台去目的地。

相關文章

更多文章

Apple CEO確認Mac mini未死

 航仔 於 23小時之前發表

Mac mini係唔少入門Mac用戶嘅首選,不過3年嚟一直都冇再更新,最近MacRumors有讀者寫信畀Apple CEO Tim Cook,詢問有關Mac mini將來嘅發展,雖...

詳細閱讀

爛蕃茄98%新鮮度
《雷神奇俠3》傳媒影評瘋狂讚好

 航仔 於 1日之前發表

雖然電影嘅傳媒優先放映場難以完全作準,成績同正式放映可能有一段距離,但《雷神奇俠3:神域末日》反應實在令人驚喜,於爛蕃茄評級獲98%新鮮度,目前只有45則評論,全部都係來自影評人。...

詳細閱讀

《Boyfriend Dungeon》
在地下城與刀劍談戀愛

 航仔 於 1日之前發表

動作遊戲成千上萬,要跑出真係唔容易。《Boyfriend Dungeon》將劈砍遊戲混合戀愛模擬都仲未算離奇,勇闖地下城嘅勇者並非與公主談戀愛,而係奪取刀劍後同化身為人型嘅武器「交...

詳細閱讀

認證導師教你製作專業3D設計
免費Autodesk 3ds Max設計工作坊

 資料由客戶提供 於 1日之前發表

近年3D技術普及,各行各業應用的層面越來越廣泛,遊戲、電影特效甚至廣告、建築也處處看到其蹤跡。對電影中的異型設計感興趣?對電腦遊戲軟體裡那些栩栩如生的人物動態及形象嘆為觀......

詳細閱讀

49吋超闊電競曲面屏幕
Samsung CHG90

 東 於 1日之前發表

電競近年成為熱潮,三星最近亦推出電競曲面顯示屏系列,包括超闊49吋32:9屏幕CHG90、進階級CHG70(27、32吋)及入門級CFG73(24、27吋)。......

詳細閱讀

結婚係一個伏嚟

於 1日之前發表

首先結婚之前嗰啲扮賢淑扮聆聽者,
一結咗已經無晒。

結完之後唔使做每個月比大半糧佢,飯都唔煮,淨係日日撳電話唔知佢撳乜春。
到老公放假佢又要自己返外家自己...

詳細閱讀