吃喝玩樂

高達模型迷年尾有排忙
Wing Zero EW、ZZ ver. KA再加Unicorn

KM5個月之前發表

啱啱喺日本「Shizuoka Hobby Show 2017」中Bandai就展出咗一部份嚟緊下半年會推出嘅模型同玩具,而對於一眾高達迷嚟講,最留意到嘅一定係預計7月推出嘅HiRM版Wing Gundam Zero EW、仲有預計8月推出嘅RG 獨角獸高達同埋預計9月推出嘅MG版ZZ高達ver KA。睇嚟大家下半年都可以砌過唔停手。
展品當中Wing Gundam Zero EW同埋獨角獸高達已經係高度完成嘅製品,而ZZ高達則仲係灰模。Wing Gundam Zero EW屬於一直被認為雷聲大雨點小嘅High Resolution Model(HiRM)系列最新一員,之前推出過嘅有第一彈巴巴托斯高達第四形態同埋魂限版嘅巴巴托斯高達第六形態。HiRM特點係買返嚟已經有個完成咗嘅骨架,而骨架內會包含有金屬部件。今次Wing Gundam Zero EW當然亦唔例外,不過有啲意外嘅係佢骨架已經包括埋背包部份同埋飛翼嘅部份。另外成品可以見到少咗一貫Wing Gundam Zero EW嘅修長同輕盈感覺,最而代之係胸大膊闊腿粗嘅霸氣感覺,非常有型。不過呢隻嘢定價成千銀港紙同上次巴巴托斯差唔多,但見HiRM巴巴托斯慘況,唔知有冇朋友仲夠膽狗衝呢?
只有1/144比例嘅RG獨角獸高達最特別之處係擁有全變形功能,據講今次採用咗新設計嘅「Advanced MS Framework」骨架,可以提升強度以支撐變形效果。以設計圖上睇其外甲可以見到佢同時採用咗中淺灰同白色部件,令成隻獨角獸高達即使喺原本全白嘅獨角獸模式時都擁有豐富嘅層次感,不過現場實物似乎未有加入呢種色彩。另外比例上亦可以見到毀滅模式時冇再出現腿部過長嘅問題,兩個模式都非常有型。
MG版ZZ高達ver KA相信都算幾萬眾期待,一來之前MG版ZZ高達已經年代久遠,當年設計以今日角度睇實在已經有啲難以接受,二來今次係由Katoki Hajime操刀,大家肯定對其成品有絕大嘅信心。再者,前面兩隻都比較「素組向」,對於鍾意大量加工嘅模型發燒友嚟講,呢隻當然更加吸引。今次展出雖然只係灰件,但其實已經睇到佢整體比例已經大有改善,部份位置嘅精細程度亦得到提升。不過大家同時亦都睇到今次試作好似企得唔算太穩,但相信到時成品一定唔會係咁。

相關文章

更多文章

Apple CEO確認Mac mini未死

 航仔 於 1日之前發表

Mac mini係唔少入門Mac用戶嘅首選,不過3年嚟一直都冇再更新,最近MacRumors有讀者寫信畀Apple CEO Tim Cook,詢問有關Mac mini將來嘅發展,雖...

詳細閱讀

爛蕃茄98%新鮮度
《雷神奇俠3》傳媒影評瘋狂讚好

 航仔 於 1日之前發表

雖然電影嘅傳媒優先放映場難以完全作準,成績同正式放映可能有一段距離,但《雷神奇俠3:神域末日》反應實在令人驚喜,於爛蕃茄評級獲98%新鮮度,目前只有45則評論,全部都係來自影評人。...

詳細閱讀

《Boyfriend Dungeon》
在地下城與刀劍談戀愛

 航仔 於 1日之前發表

動作遊戲成千上萬,要跑出真係唔容易。《Boyfriend Dungeon》將劈砍遊戲混合戀愛模擬都仲未算離奇,勇闖地下城嘅勇者並非與公主談戀愛,而係奪取刀劍後同化身為人型嘅武器「交...

詳細閱讀

認證導師教你製作專業3D設計
免費Autodesk 3ds Max設計工作坊

 資料由客戶提供 於 1日之前發表

近年3D技術普及,各行各業應用的層面越來越廣泛,遊戲、電影特效甚至廣告、建築也處處看到其蹤跡。對電影中的異型設計感興趣?對電腦遊戲軟體裡那些栩栩如生的人物動態及形象嘆為觀......

詳細閱讀

49吋超闊電競曲面屏幕
Samsung CHG90

 東 於 2日之前發表

電競近年成為熱潮,三星最近亦推出電競曲面顯示屏系列,包括超闊49吋32:9屏幕CHG90、進階級CHG70(27、32吋)及入門級CFG73(24、27吋)。......

詳細閱讀

結婚係一個伏嚟

於 2日之前發表

首先結婚之前嗰啲扮賢淑扮聆聽者,
一結咗已經無晒。

結完之後唔使做每個月比大半糧佢,飯都唔煮,淨係日日撳電話唔知佢撳乜春。
到老公放假佢又要自己返外家自己...

詳細閱讀