吃喝玩樂

【勿演土匪烏冬】
丸亀製麵母公司收購譚仔

女漢子2年1個月之前發表

日本窮拎月尾冇錢開飯,好多會去食碗平價牛肉飯頂肚。不過學老一輩話齋:牛肉,好毒架!食得多都厭!喺香港有分店嘅丸亀製麵母公司「TORIDOLL」開咗股東大會後,落實收購譚仔(冇三哥)母公司「香港同心」,米線烏冬crossover,實行刷出新火花,第時分分鐘去日本可以食譚仔#yup#。
根據資料,譚仔每年營業額高達7億港元,而有傳今次收購價就達10億港元,引發巴絲熱烈討論。高登熊本熊第一時間問:「收購『譚仔』定『譚仔三哥』呀?」禾係膠達亦和應:「好多香港人都唔識分,日本嗰邊會唔會搞錯?[sosad]」又啱喎!老老豆豆,筆者知道部份日本人嚟香港都會食吓「譚仔」,但永遠唔識分「譚仔」同「譚仔三哥」[sosad]。

不過講到譚仔就不得不提阿姐親切嘅口音,勿演淆肉姨蛋,短短幾個字足以打破人與人之間嘅隔膜。TORIDOLL雖然未話要將譚仔帶去日本,但巴打已經好關心阿姐使唔使轉型。例如叔叔不行了II提議:「阿姐改著女僕衫!」逢田_梨香子更擔心:「阿姐使唔使講日文?」想像阿姐著住女僕衫輕喚一句:二奶些媽些……威力比AV女優更高![bomb]

你覺得將來去譚仔會唔會食到炸醬酸菜烏冬?丸亀又係咪擺咗烏龍?不妨入去CannabisCity個討論post一齊傾吓。

資料來源: TORIDOLL

相關文章

更多文章

反送中英雄唯唯衝出香港了

於 3小時之前發表

反送中英雄唯唯衝出香港了...

詳細閱讀

嘩,對付一個胡志偉都要放彈?

於 3小時之前發表

純粹睇片判斷,對付胡志偉廢老都要放一粒彈? 搵人過去制伏佢有幾難...

詳細閱讀

犬隊今日放軟手腳係咩原因?

於 1日之前發表

真係不滿政府割蓆?...

詳細閱讀

香港明明係強國唯一逃生窗,點解強國都要搞勁香港?

於 1日之前發表

一立法,擺明美國就會封埋香港
強國連唯一窗口都冇埋,點解仲要咁做?唔明...

詳細閱讀

【震驚外國】華為忽然於手機鎖定螢幕放廣告

航仔  於 3日之前發表

中國品牌手機主介面預載廣告並非新奇,但奇就奇在最近「風頭躉」華為將呢個宣傳招數應用到其他地區。英國、荷蘭、愛爾蘭、挪威、德國及南非等地嘅華為手機用戶紛紛於社交媒體發帖,表示最近手機...

詳細閱讀