吃喝玩樂

又嚟新Signature
泰式酸辣口味是拉差辣脆雞

KM1年10個月之前發表

麥當勞成日都玩新口味搞搞新意思,今次又再同星級名廚Christian Yang合作搞咗個全新泰式酸辣口味嘅新Signature——是拉差辣脆雞堡。隨同呢個包麥當勞同時推出煙肉芝味薯條,究竟係乜料?同大家睇睇。
呢個是拉差辣脆雞係同之前東京之夜一樣用咗Signature系列入面果塊Buttermilk脆雞扒,配以泰國常見嘅煎荷包蛋、大大塊新鮮蕃茄同羅馬生菜,再加上微辣嘅Pepper Jack芝士仲有充滿泰式風味嘅是拉差辣味醬同埋法式蜜糖芥末醬,多重味道同口感交織出與喇不同嘅泰式感覺。

之前老麥都有出過「芝味薯條」,今次「煙肉芝味薯條」顧名思意就係喺薯條上面直接加上芝士醬同埋煙肉碎,呢個陣容唔使講一睇就知夠晒惹味。不過食呢個之前記得洗手啊!

星級廚師Christian Yang於發布會親自示範製作呢個由佢全權設計嘅是拉差辣脆雞堡

咗邊係法式蜜糖芥末醬,右邊係是拉差醬

微辣嘅Pepper Jack芝士

今次仲有煙肉芝味薯條

成個餐咁上實夠飽

最後再加埋全新嘅焦糖芭菲 x Oreo,滿足
老實講今次呢個泰式風味嘅是拉差辣脆雞堡同之前日式風味嘅東京之夜一配料差不多,但用嘅醬同芝士就完全唔同。筆者親口試食過,感覺成個飽好多料,每一層口感都完全唔同,但因為飽好厚,最初根本唔可能一次過食晒咁多層,整體口感都幾複雜幾過癮。整個包嘅味道主要來自兩個醬同中間兩塊芝士,呢種芝士味濃但市面少見,食落好香好特別。另外兩個醬分別帶辣同帶甜,因為佢刻意分開少少放而唔係直接溝埋一齊,一啖一啖咁食,會食到辣、辣帶甜、甜帶辣再到甜幾種唔同層次。雖然睇落筆者文字形容好似誇張咗,但如果你係鍾意食少辣嘅人,食過都應該會覺得呢個是拉差辣脆雞堡好唔錯。

全新是拉差辣脆雞堡、煙肉芝味薯條同埋另一款同樣係全新嘅焦糖芭菲 x Oreo將於本月18號正式上市,有興趣記得去試一試。

相關文章

更多文章

我朋友堅持話嗰個男仔一定係鍾意我

於 1小時之前發表

我愛緊一個人,但係對方唔鍾意我。不過我個朋友就死都堅持話肯定嗰個人係鍾意我,仲話到死嗰日都唔會收番呢句說話。......

詳細閱讀

[重口味] 應該係婚宴最爆嘅迎賓相

於 2小時之前發表

應該係婚宴最爆嘅迎賓相......

詳細閱讀

原來江蘇爆炸咁拎癲

於 2小時之前發表

想感受威力就開大喇叭......

詳細閱讀

有無人可以key巨型阿Joe喺海面?

於 2小時之前發表

有無人可以key巨型阿Joe喺海面?......

詳細閱讀

(慎入) 超驚嚇畫面

於 3小時之前發表

超驚嚇畫面......

詳細閱讀

大家對嘉頓嘅認識除咗什餅仲有咩?

於 2日之前發表

噚日掃超市先發現原來有好X多嘢都係嘉頓出品......

詳細閱讀