吃喝玩樂

《新槍彈辯駁 V3》聲優
石田晴香專訪

KM2個月之前發表

今年動漫節其中一個大力宣傳嘅遊戲有呢隻下個月尾就會正式推出嘅《新槍彈辯駁 V3》。為隆重其事,遊戲嘅製作人同埋聲優都有特地嚟到香港同大家見面。我哋亦邀請到聲優石田晴香嚟同大家做個專訪。
問(記者)
答(石田晴香)
問:之前有參與過《槍彈辯駁》舞台劇演出,你覺得同今次參與遊戲製作有咩分別?
答:兩個故事其實係完全唔同世界,所以好難講有咩唔同。不過可以有份參與兩代故事嘅演出,我覺得好開心。

問:請問有冇玩過過去兩集遊戲作品?同今次《V3》比較你會有咩感想?
答:其實我都係呢個遊戲系列嘅Fans,今次可以演出我覺得好開心。至於世界觀方面,我一向都好鍾意推理故事,而作為「高速推理動作遊戲」亦都係我喜歡,雖然故事內自相殘殺係殘忍咗少少,但我都玩得好開心。

問:舞台劇演出同配音工作分別好大,你自己比較鍾意邊種呢?咁解呢?
答:舞台同聲優嘅工作係好大分別,而我自己本身一開始係想成為聲優。但如果你問會唔會因為咁而鍾意配音工作多啲呢?我就覺得好難答,因為兩者都係演出緊另一個同自己完全唔同嘅人嘅人生,所以對我嚟講都係開心有趣嘅經歷,所以根本都揀唔到。

問:今次可以參演《V3》入面入間美兔嘅角色,其實你係喺試音會中選而嚟,定係由小高先生親自欽點嘅呢?而除咗入間美兔之外,遊戲當中仲有邊個角色你都會想演出呢?
答:之前因工作有機會同小高先生傾計,佢就提及嚟緊嘅新遊戲《V3》會有一個好乞人憎,講嘢好難聽嘅角色,我就即刻同佢講我好適合演呢個角色,所以小高先生就畀咗呢個角色我演出。至於我自己比較有興趣想演嘅會係一個叫安斯嘅女仔,佢係一個成日話有「神降臨」嘅美術部女仔。因為我覺得佢感覺比較天然系,有啲電波、輕飄飄嘅感覺。對我嚟講係一個未挑戰過嘅類型,所以如果有機會都想演出下。

問:石田小姐之前都有參與過其他遊戲嘅聲演,但今次《V3》遊戲類別似乎好唔同,你感有幾大分別呢?會唔會呢個遊戲配合會難啲?
答:今次角色性格上比較獨特,本身有好多對白係唔似女仔,當中有好多字眼係我平時根本唔會講,所以對我嚟講係一個新挑戰。另外遊戲本身對白比較多,好高興小高先生畀咗好多時間佢去慢慢錄,先可以錄到最好嘅效果。

問:成個遊戲入面你最鍾意同最討厭嘅角色有邊個?
答:成個系列計我最鍾鐿係十神白交,如果淨係計《V3》我其實個個角色都咁鍾意,但如果一定要揀一個我就當然會揀返我聲演嘅入間美兔啦。至於討厭嘅角色呢,係冇架。

問:喺聲演呢個同佢性格咁大出入嘅角色時,會唔會有咩有趣嘅事發生過呢?
答:角色本身有時會成句對白一連串咁都係一啲佢平時唔會講嘅字眼,所以聲演過程中無時無刻都會覺得好有趣。比較特別嘅係角色有時會有啲自創嘅單字,有啲甚至我根本唔識讀,要去問返小高先生。呢個地方我覺得值得大家留意一下。





相關文章

更多文章

內置觸控感應旋鈕
Logitech CRAFT

 東 於 4小時之前發表

遊戲鍵盤加入不同的快捷鍵協助玩家作戰,而Logitech CRAFT為方便工作,則加入一個名為「Crown」的鋁製觸控旋鈕,讓用戶全面控制各種應用程式及輸入資料。......

詳細閱讀

EA關閉Visceral Games
大改《星戰》遊戲開發方針

 航仔 於 5小時之前發表

EA又「KO」一間遊戲工作室!EA執行副總裁Patrick Soderlund宣布關閉旗下Visceral Games,並大改該團隊正開發《星戰》項目嘅方針。Visceral於20...

詳細閱讀

原來失業好正

於 10小時之前發表

每日起身慢慢食早餐,睇住旁邊啲西裝友趕頭趕命,自己懶懶飲杯奶茶。
食完早餐,返屋企上網搵工,每日send十封信差唔多,
之後瞓覺,瞓到十二點或者一點起身,可以開電腦睇劇...

詳細閱讀

(文物)兩張2002年高登電腦砌機報價單

於 12小時之前發表

有冇windows 3.1 年代 (around 1993年)的報價單,再早多9年,好懷念?......

詳細閱讀

微軟早一步修復Wi-Fi WPA2漏洞

 航仔 於 1日之前發表

Wi-Fi對現代人已成為不可或缺的必需品,但原來Wi-Fi的WPA 2安全加密協議存在漏洞,保安專家警告黑客能夠透過Wi-Fi入侵裝置,不論係macOS、Windows、iOS、A...

詳細閱讀

新一代Leica鏡搭人工智能
HUAWEI Mate 10料11月初抵港

 航仔 於 1日之前發表

昨晚華為於德國慕尼黑發佈旗艦級智能手機HUAWEI Mate 10系列,加入大熱人工智能元素、大屏幕搭幼邊框及招牌奶鏡,Mate 10開價699歐元(HK$6,428),而Mate...

詳細閱讀