吃喝玩樂

謎肉扭計骰
扭到眼盲但過癮

KM1年10個月之前發表

日本人嘅創意好多時真係令人驚喜萬分。著名嘅杯麵品牌日清(即係出合味道同出前一丁嗰間)就推出咗一個「謎肉扭計骰」畀一眾合味道Fans可以日日對住杯麵入面嘅「謎肉」玩個唔停!
當你打開個杯麵,見到入面骰仔咁嘅「謎肉」其實會好開心,但你可能會同時發現一杯只係得嗰幾粒,根本唔會夠喉,依家日清就畀個機會你「望梅止渴」。呢個由六款唔同樣謎肉圖案組成嘅扭計骰,睇落去就好似一粒大嘅謎肉一樣,就算唔食得都睇得,睇厭咗都仲玩得,至少滿足到你兩個願望啦!

唔好以為佢面面都一樣,其實睇真啲佢有6個面其實都有分別,只要你有耐性、夠細心,就一定可以分辨得到。相信只要你一直扭一直扭,總有一日可以扭返齊6面。不過話時話,扭唔返啱咪仲真實!(失敗者嘅籍口)

呢粒咁過癮嘅謎肉扭計骰現時只有日清日本官網有售,但筆者相信總會有玩具水貨佬會走部份過嚟香港畀大家買嚟玩。不過最好梗係有日本朋友幫手啦!定價3,888日元,約HK$275左右。


相關文章

更多文章

反送中英雄唯唯衝出香港了

於 3小時之前發表

反送中英雄唯唯衝出香港了...

詳細閱讀

嘩,對付一個胡志偉都要放彈?

於 3小時之前發表

純粹睇片判斷,對付胡志偉廢老都要放一粒彈? 搵人過去制伏佢有幾難...

詳細閱讀

犬隊今日放軟手腳係咩原因?

於 1日之前發表

真係不滿政府割蓆?...

詳細閱讀

香港明明係強國唯一逃生窗,點解強國都要搞勁香港?

於 1日之前發表

一立法,擺明美國就會封埋香港
強國連唯一窗口都冇埋,點解仲要咁做?唔明...

詳細閱讀

【震驚外國】華為忽然於手機鎖定螢幕放廣告

航仔  於 3日之前發表

中國品牌手機主介面預載廣告並非新奇,但奇就奇在最近「風頭躉」華為將呢個宣傳招數應用到其他地區。英國、荷蘭、愛爾蘭、挪威、德國及南非等地嘅華為手機用戶紛紛於社交媒體發帖,表示最近手機...

詳細閱讀