科技消費

功能身價齊齊跳升
Samsung Galaxy Note8試後報告

航仔2個月之前發表

經歷Galaxy Note 7電池問題風波之後,三星將手上最先進技術放落Note 8省靚招牌,不但採用Galaxy S8 / S8 Plus嘅無邊際顯示屏幕設計,更首度配備兩個1,200萬像素主鏡頭,加上S Pen再度升級引進更多功能,難怪初步獲得唔少好評。
外形方面,Galaxy Note 8唔算有太大變動,仍然沿用玻璃底搭堅固嘅金屬框架,對比S8四隻角冇咁圓潤,線條比較硬朗,同時曲面屏幕睇落亦冇咁明顯。玻璃背板感覺高費,但指紋污漬難免略為顯眼。另外相機連指紋感應器形成一個「黑色窗口」,除非機身顏色係黑,其他灰、藍兩色都令到個黑色窗口幾顯眼。機身體積為162.5 x 74.8 x 8.6毫米,重195克,比上代更加大部同重秤,畢竟屏幕從5.7吋增大至6.3吋,重點係Note 8機身明顯較長,有機會擺唔落褲袋。

無邊際顯示屏幕沿自於Galaxy S8同S8 Plus, 三個導航鍵轉成虛擬,上下邊框佔正面的比率非常低,6.3吋屏幕畫面比例達18.5:9,觀賞一般YouTube影片兩邊會出現黑邊,但預設延展功能將畫面放大至左右貼邊。Quad HD+ Super AMOLED面板提供2,960 x 1,440解像度(預設為2220 x 1080),並支援HDR顯示,以及保留高對比、色彩豔麗嘅一貫特色。屏幕亮度高,即使戶外使用都能清晰顯示內容。

上方隱藏鏡頭、指示燈及各項感應器

底框亦非常幼,使用虛擬導航鍵

測試機嘅顏色係幻月灰,玻璃背板感覺唔錯

狂捽之下仍會留指紋,但唔算太顯眼

左側為音量鍵及Bixby語音助理鍵

右側為電源鍵

機身比LG G6長一截

機頂放雙SIM / MicroSD卡

機底有3.5mm耳機同USB-C接口,仲有S Pen

屏幕預設解像度係FHD+

睇一般16:9影片會出現左右兩條黑邊

但可以延展放大畫面
Galaxy Note 8硬件規格屬2017年旗艦機最頂級機種,內置Snapdragon 835處理器及6GB RAM,跑分成績突出唔在講,打高需求遊戲亦有流暢表現。港行為雙卡版本,提供64GB、128GB及256GB三款容量選擇,支援microSD擴充。

手機符合IP68防水防塵標準,支援快速無線充電,耳機接口獲得保留。指紋感應器「遺憾地」仍然放喺機背主鏡頭附近位置,不過三星將閃燈與心跳監測器調到雙鏡頭及指紋感應器中間,減低進行指紋認證時手指誤按整污糟鏡頭嘅機會。Note 8亦分別提供虹膜及面部辨識解鎖功能,面部辨識解鎖速度其實非常快,但戴眼鏡以至環境光都會影響到成功率,建議同時啟用指紋及面部辨識解鎖解決問題。

解鎖方法繁多

電量為3,300mAh,中度用量應夠用一日

Antutu跑分成績自然係最頂尖

閒置時有2.8GB可用記憶體
相機方面,Note 8加入近期流行嘅雙鏡頭設計,兩個1,200萬像素後置鏡頭均配備OIS光學防手震,一個廣角f/1.7大光圈鏡頭,再配搭遠攝鏡頭提供2X光學變焦。OIS景深實時調校透過散景效果突出主體,即使喺拍攝後亦能於媒體瀏覽器中調整背景模糊程度。啟動景深即時預覽後支援雙鏡頭拍攝,每按一次快門雙鏡都會同時拍攝,可簡單拍低一遠一近影像。

景深即時預覽,但要有特定條件先用到

距離遠少少較易成功

影相後可再調較景深

較完景深另存做新檔

拍片達UHD解像

支援HDR

支援雙鏡頭拍攝(近鏡)

另一個鏡頭嘅影像

將背景模糊推到最高

半逆光下拍攝效果

夜拍效果

前置鏡頭提供唔少美顏選項
S Pen一直都係Note系列嘅招牌功能,新版S Pen都達到IP68防水認證,筆頂同樣內置按鍵、0.7毫米幼細筆尖及4,000級壓力感應。每一代S Pen嘅方便程度都有提升,一抽支筆出嚟S Pen介面已即時出現,翻譯現支援將即時句子翻譯。新增重點功能為「即時訊息」,用戶以S Pen寫低訊息後,系統會將整個手寫過程轉化成具備各項華麗效果嘅GIF動畫圖案。

軟件方面,Note 8目前預載Android 7.1.1系統,相信好快會「食得到」Android 8.0 Oreo。作為旗艦機,三星自然加送不少獨有功能,目前Bixby語音助手仍未支援廣東話,比較失色,操作介面有唔少變動,包括上兩代已有嘅側屏幕程式介面,部分附設程式都幾實用,Samsung Pay、安全資料夾等,而Samsung Notes更加係必用,所以記得開番個三星帳戶。

S PEN設定

S PEN MENU,一拔支筆即啟動

即時訊息,將寫字過程變成動畫GIF

力度與筆跡深淺表現準繩

Samsung Pay

有部分設定係三星自家製

側屏幕快捷鍵

Bixby鍵要設定咗三星帳戶先可以關閉
評語:
Galaxy Note 8基本上係將Note 7表現再提升一個層次,當然亦解決咗上代嘅電池問題,設計上尚有些微不足之處,如指紋感應器位置,但整體嚟講Note 8硬件規格更強,功能更完善,例如相機同S Pen又再進化咗,不過相對上售價亦跳一級,要近7千先買得到64GB基本型號。Note 8嘅表現絕對屬於頂級,理應唔會令人失望,之但係價錢本身好可能已令到一部分用戶卻步。

相關文章

更多文章

【定價已出】PS4《汪達與巨像》明年2月6日上市

 東 於 4小時之前發表

《SHADOW OF THE COLOSSUS 汪達與巨像》中英文合版將於2018年2月6日發售,普通版售價為$268。豪華版售價$368,內容包括遠古之弓、命運斗蓬、斑紋馬,以及...

詳細閱讀

三星手機當八達通用!
Samsung Pay推出Smart Octopus

 航仔 於 6小時之前發表

三星近期力谷Samsung Pay,今日公布同八達通合作,推出Smart Octopus服務,終於有流動支援錢包支援到港人經常使用嘅八達通,雖然Smart Octopus登記同使用...

詳細閱讀

廿幾歲半職燒味佬。你問我答

於 10小時之前發表

細細個跟住出去幫手做車仔檔,走鬼檔

由於自小比呀媽迫練刀功,買餸煮飯
到依家人在江湖,身不由己
......

詳細閱讀

樓上經常發出敲地板聲,經常失眠,可以點做

於 10小時之前發表

我住頂層對落單位,樓上可能冇樓上噪音問題
拉台、敲地下、著好響嘅鞋行黎行去,最仆街係夜晚2、3點都係到搞呢樣搞嗰樣
到6、7點隻仆街狗又係度吠
試過搵管理處...

詳細閱讀

試完MHW就會明C社點解要回歸Sony

於 10小時之前發表

個畫面,流暢度,就算switch都冇可能俾到capcom

唔係因為ps4好而令芒亨走,而係芒亨既開發團隊想做嘅事任記俾唔到佢哋

你地打過就知,今次ca...

詳細閱讀

顛覆拍賣平台
$10.97贏取iPhone X?

 編輯部 於 12小時之前發表

太陽娛樂老闆「洗米華」周焯華經常佔據各大報章娛樂版頭條,早前佢位公子「洗米仔」周柏豪(Pak)亦成功上報,不過係出現喺科技同財經版。Pak自稱參考美國一仙拍賣,豪使6位數字創立拍賣...

詳細閱讀