科技消費

真正無束縛聽歌做運動
Jaybird RUN

航仔1年2個月之前發表

真無線藍牙耳機喺市面上有大量選擇,不過大部分都係類似AirPods或Bragi The Dash Pro打住「智能」或「時尚」嘅旗號,運動型款式相對較少。Jaybird一向主力出單線式藍牙運動耳機,最近亦破格推出真無線運動耳機RUN。
Jaybird RUN屬於運動耳機,外形較為踏實,以金屬圈圍繞Jaybird標誌。機身體積唔算大,戴上去唔墜且唔礙眼。跟機附送多款尺寸耳塞及鰭片,確保耳機能穩固貼合用戶耳型。防水固然係運動耳機必備元素,但Jaybird RUN更上一層樓,採用雙層疏水納米塗層,提升防汗表現。

耳機本身提供連續4小時使用時間,配合充電盒額外加多8小時續航力,值得一讚嘅係快叉5分鐘可用到1小時。不過藥丸型充電盒圓碌碌相當厚身,擺落褲袋唔太舒服。藍牙配對極之簡便快捷,冇任何複雜設定,系統透過右邊耳機連至手機,而左邊會自動用藍牙連到右邊耳機。設定好以後用戶從充電盒拎出耳機,藍牙連結即時自動搞掂。

Jaybird RUN嘅音色雖然比唔上同系Freedom,但以無線耳塞嚟計低頻算係唔錯,專用app嘅EQ設定預設為「平淡」(又確係過於平淡),好在另有大量選項,包括自訂手動調節。同時程式設有「尋找我的耳機」 功能,方便追蹤耳機位置。

外國有唔少早期評論指出Jaybird RUN測試版本的左耳藍牙連結會出現問題,經常出現斷線、一兩秒冇聲嘅情況,但筆者試用一整日暫時未見類似情況,似乎最終版本已解決問題。每邊耳機配備一顆按鍵,右面輕按播放/暫停同接聽/收線,左面輕按啟動Google助理,但由於按鍵並非輕觸式,撳掣會將耳機壓入耳仔,所以盡量用手機控制舒服啲。Jaybird RUN備有兩款顏色Drift (珍珠白)及 Jet(銀黑色)選擇。

Jaybird RUN

充電盒額外提供8小時續航力

前置左右耳機充電指示燈

擺低耳機即可充電

充電盒圓柱形唔多適合擺落褲袋

耳機上方有指示燈

Jaybird標誌實為按鍵

背部充電介面

附送多款尺寸耳塞及鰭片

以microUSB介面為充電盒叉電

Jaybird RUN包裝盒

EQ選擇豐富

手動調節EQ

與社群分享以跑步為主題嘅歌曲選單

開個人帳戶儲存設定

按鈕控制、尋找我的耳機,以及顯示電池狀態

預設兩款控制方式

左右耳機電量一目了然
定價: $1,699

相關文章

更多文章

迪士尼開拍《鐘樓駝俠》真人版電影

 航仔 於 1小時之前發表

迪士尼繼續將經典動畫改編成真人版電影,下一站係《鐘樓駝俠》,由《M. Butterfly》編劇David Henry Hwang根據著名雨果小說編寫新作劇本,男星Josh Gad為...

詳細閱讀