吃喝玩樂

爐石戰記競技場十二連勝小技巧(二)

資料由HK Esports提供3個月之前發表

大家好,今日小編會同大家討論一下競技場入面先手、後手嘅起手問題。
爐石競技場入面,先手同後手係完全兩個概念,後手會多一張牌而且重要多一個幸運幣,所以先手後手留牌時所考慮的內容亦都會有相當大嘅出入。
起手小錦囊
喺競技場入面,一般嚟講combo係比天梯少嘅,完美組合或者「天胡」嘅機率會比較細,所以節奏上亦都會比天梯嚟講慢1d。所以一般而言,前幾個回合一般只會每round落一張牌。
首先講講先手嘅開局情況。對於先手嚟講只有一種理想開局,就係1234按時落怪,用曬所有水晶,咁樣嘅開局其實就已經可以得到比較大嘅優勢。但一般嚟講,機率上要做到開局「天胡」其實都算幾困難。退而求其次嘅話,就係開局其中一個回合卡1費,例如3費時只可以出到一隻2費嘅手下,又或者4費時出隻3費手下。呢種情況喺先手開局比較常見,而最差嘅開局係無牌可以出迫住用英雄技能。

而後手嘅話,由於有幸運幣嘅存在,再加上後手開局比先手要多一張牌,所以我哋會有唔只一種嘅開局去選擇,比較常見嘅後手開局包括2234、1334、1244三種。呢三種開局分別喺1費、2費、3費三個唔同嘅時候使用幸運幣。但對於依家嘅版本嚟講,三種開局嘅比率都非常接近。小編呢度建議各位盡量將幸運幣喺頭3round就用左佢,唔建議將佢留到後期用,因為後手原本節奏已經落後先手好多,每1round其實都已經比人差1費做野,而呢個幸運幣就係我哋追返節奏最好嘅手段,如果唔盡早將呢個手段用出去,咁樣嘅話喺競技場嚟講就好難將節奏追番返嚟架啦。

另一方面後手嘅選擇開局係比先手多,而且後手開局比先手要多一張牌,所以如果我哋係抽到後手嘅話,就一定唔可以發生某一個回合卡手、卡費嘅問題,每一粒法力水晶都要用曬。就好似上文所講咁,幸運幣是我哋抽後手搶返節奏嘅重要關鍵點,所以我哋用幸運幣跳費召出嚟嘅手下一定要做到壓制對面上round所出嘅手下。大家要記住,特登用幣去跳費打隻手下出來同對面1換1係一個好蝕嘅做法,底線係跳3費嘅時候同對面1換1咁樣嘅話相對嚟講就無咁大損失。
起手留牌錦囊
當講到留牌嘅問題,最重要當然係要參照選牌原則,第一樣優先要考慮嘅係每個回合可以用嘅牌,呢度指可以用嘅牌係唔止講緊張牌嘅費用,係講緊手上嘅牌岩唔岩時機出(早前小編曾用放狗作例子,2費放狗通常唔需要第2round時打出。)每次做留牌動作時,可以先考慮一下前3round嘅出牌計劃後再揀牌。當然講到呢度一定會有讀者講無可能可以預計曬所有情況同應付到所有嘅變化,但因為競技場並唔係用自己建構嘅牌組,所以留換牌盡量做到前三回合順風嘅話基本上離贏不遠。

先手嘅話3費嘅牌建議全部都換曬佢,如果起手嘅時候真係太爛嘅話,可以選擇留1張4費嘅aoe法術卡。盡量做到1、2、3或者2、3、4。而224,122都係可以接受嘅。但是如果出現2張3費卡,就換咁一張啦,因為第3round用2費是可以接受,而第4round出3費真係會比對面好大場優。

後手最好嘅情況是1334,2234,1244。同樣後手都盡量唔好喺在4費round時出3費怪。但係喺選牌唔合理,低費卡過少嘅時候,後手是會比先手好過,因為容錯比較低。但是喺選牌好合理嘅情況下,先手一般是會有優勢過後手。這亦都係是可以解釋得到點解新手喜歡抽到後手,但先手嘅勝率卻高過後手。

相關文章

更多文章

【PS遊樂園Live】《Detroit: Become Human》仿生人的抉擇「衛詩雅」係人定係機械人?

 航仔 於 1小時之前發表

《Detroit: Become Human》是以互動劇情冒險遊戲聞名的 Quantic Dream 團隊最新作品,故事設定近未來的美國底特律市,社會模式與現在分別不大......

詳細閱讀

有幾多香港人呢2年來過澳門玩?

於 3小時之前發表

想知大家點睇澳門......

詳細閱讀

以前嘅夏天有冇而家咁焗熱?

於 3小時之前發表

細時印象中冇而家熱到咁犀利,講緊以前唔興著短裙短褲,好多人都長褲出街,巴士又唔係全面裝有冷氣......

詳細閱讀

[冇圖]點解而家啲女咁鍾意著成咁

於 3小時之前發表

其實唔只夏天、其他季節都係咁,只係夏天就特別勁!
我發覺好多女,無論係十八廿二、定一話係徐娘半老,係夏天都好鍾意著到件衫透一透、薄一薄......

詳細閱讀

一人畀個,懷疑係仙女下凡嘅女藝人

於 3小時之前發表

Niki周麗淇......

詳細閱讀

35歲趙希洛真係世界級

於 3小時之前發表

35歲趙希洛真係世界級......

詳細閱讀