吃喝玩樂

爐石小技巧(二)

資料由HK Esports提供3個月之前發表

上集同大家講到爐石入面一啲成就同任務嘅資訊,令各位新手玩家可以快速拿取金幣黎令自己變強,而今集,小編就會同大家講下一啲組牌嘅技巧,同而家最受玩家們歡迎嘅套牌嘅使用技巧啦!
牌組的前中後期
牌組嘅建立之前小編係文章都同大家講過一啲前中後期嘅卡牌概念,帶大家重溫一下,簡單啲黎講就係打牌整體嘅節奏會偏重於遊戲嘅邊一個階段。

前期嘅牌組多數係各個玩家社群都會被稱為快攻牌組,務求係遊戲嘅頭3-4個回合打走敵方英雄大部份嘅血量甚或乎結束遊戲。但若果唔成功的話,將會變得非常乏力甚至可以話係已經輸左。
中期牌組則係渡過遊戲前期後,以大量體質優秀嘅手下填滿場面,係對手無清場卡牌下完全壓制敵人嘅一種手段。
後期牌組則係前中期都積累手牌,再用法術等等清走對手前中期所打出嘅牌,消耗對手嘅戰鬥力最後拎到勝利。

該選什麼類型的牌組呢?
講到呢度,好多新手都會疑惑到底自己應該用咩類型嘅牌組好。小編就建議新手如果係卡牌種類比較少嘅,可以唔洗諗直接用快攻牌組就可以。因為中後期牌組對於特定傳說牌同史詩牌嘅需求幾大,如果大幅缺乏核心牌,中後期牌組將會退遠遠唔及其他玩家。但如果你嘅牌組係比較齊全嘅呢,則可以多多考慮中後期牌組,因為呢個種類嘅牌組多數比較穩陣。

要注意的地方?
講到要注意嘅地方,新手最多就係砌牌時會忽略牌組嘅消耗同埋續航力。
一副牌組嘅消耗,好決定你所打嘅流派係快攻定係後期。好多新手係砌牌時都會唔理三七廿一將傳說牌或者係強大效果牌都先塞去牌組入面,但就忽略左牌組本身嘅流暢性,令到自己係連牌都未打到,就已經因為前期過份疲弱嘅被對手毆打至死。所以小編建議新手們都可以先玩快攻嘅原因,除左係可以快速拎到場面優勢外,另一個作用就係可以令新手們了解前期嘅重要性其實係大於卡牌本身嘅優勢。

續航力方面,一套牌嘅抽牌速度可以話係最影響牌組穩定性嘅一個項目黎。好多新手係建立牌組時,都會忽略左牌組本身嘅抽牌速度,而令自己好容易變到一張手牌都冇。而冇手牌最大嘅缺點,就係令場面嘅適應性變到極差。好似當你0手牌嘅時候,抽到嘅反而係數值參差嘅低費牌一張,結果就變左打左等如無打嘅局面,失去還擊之力。

玩家愛用的牌組 ─ 快攻德 (新手向)
快攻德,可以話係呢幾個版本嘅新手恩物,因為佢用嘅牌幾乎都係好容易得到嘅嘅普通牌或者係精良牌,對於一啲傳說級嘅手下可以話係完全冇需求。玩家只需要選擇大量嘅低費兼場面控制嘅手下不停填滿場地,到左3費再加上兇蠻咆哮,將可以一回合打出巨量傷害去終結敵人。

玩家愛用的牌組 ─ 拉札牧 (高手向)
拉札牧可以話係近大半年內最多玩家愛用嘅牌組,因為「綑縛者拉札」可以令英雄能力變成0,加上冰封王座的牧師英雄,將可以連射對敵人或者係手下打出大量傷害!

(牌組來源:網絡)

相關文章

更多文章

【PS遊樂園Live】《Detroit: Become Human》仿生人的抉擇「衛詩雅」係人定係機械人?

 航仔 於 1小時之前發表

《Detroit: Become Human》是以互動劇情冒險遊戲聞名的 Quantic Dream 團隊最新作品,故事設定近未來的美國底特律市,社會模式與現在分別不大......

詳細閱讀

有幾多香港人呢2年來過澳門玩?

於 3小時之前發表

想知大家點睇澳門......

詳細閱讀

以前嘅夏天有冇而家咁焗熱?

於 3小時之前發表

細時印象中冇而家熱到咁犀利,講緊以前唔興著短裙短褲,好多人都長褲出街,巴士又唔係全面裝有冷氣......

詳細閱讀

[冇圖]點解而家啲女咁鍾意著成咁

於 3小時之前發表

其實唔只夏天、其他季節都係咁,只係夏天就特別勁!
我發覺好多女,無論係十八廿二、定一話係徐娘半老,係夏天都好鍾意著到件衫透一透、薄一薄......

詳細閱讀

一人畀個,懷疑係仙女下凡嘅女藝人

於 3小時之前發表

Niki周麗淇......

詳細閱讀

35歲趙希洛真係世界級

於 3小時之前發表

35歲趙希洛真係世界級......

詳細閱讀