吃喝玩樂

爐石彩蛋介紹

資料由HK Esports提供6個月之前發表

爐石戰記入面嘅彩蛋非常之多,如果要逐張卡牌講的話,可能幾十篇文章都唔夠講呀!所以呢一集嘅爐石戰記彩蛋合集,小編就為大家搜集咗一啲比較有趣同埋內容豐富嘅彩蛋俾大家認識!
炸雞勇者
「炸雞勇者」呢一張卡牌,其實可以話係魔獸世界玩家入面嘅一個共同回憶嘅產物。「炸雞勇者」卡牌入面嘅角色,其實係一位叫做「Leeroy.Jenkins」嘅魔獸世界玩家。當時網上瘋傳嘅一條影片,係講述Leeroy同隊友一齊玩魔獸世界嘅時候,同隊友講要出去買炸雞要AFK一陣,結果隊友傾傾下戰術嘅時候,Leeroy.就突然番咗黎仲沖咗入王房瘋狂引怪添!Leeroy.瘋狂踩龍蛋,開咗大量嘅小龍怪出黎,最後隊友逼不得已陪咗Leeroy殺咗入去王嘅房間,係Leeroy亂衝亂撞嘅情況下,Leeroy一團人當然難以避免地團滅咗啦!
而呢條短片係當時非常火熱,仲成為咗一眾魔獸世界玩家嘅共同回憶添!所以點解炸雞勇者會有衝峰技能(笑),仲會有2隻小龍怪成為敵方嘅手下!而語音方面,攻擊嘅叫嘅「時間到了,咱們動工吧!」就係Leeroy番到黎講開波嘅用語,而陣亡時「至少我吃到雞肉了」則係Leeroy係滅團後講嘅句子。

威爾弗雷德‧菲斯巴恩 & 賈拉克瑟斯領主
「威爾弗雷德‧菲斯巴恩」係魔獸世界中銀白聯賽其中一個情節嘅地精術士NPC黎,而威爾弗雷德係當中嘅功用,就係為玩家們召喚一名強大嘅惡魔,再等玩家去挑戰以磨練自己嘅實力。但過程中威爾弗雷德亦一如地精冒失嘅特性,誤召咗超強大嘅「賈拉克瑟斯領主」出黎,結果「賈拉克瑟斯領主」反客為主將威爾弗雷德擊殺,並企圖開啟傳送門俾燃燒軍團入侵艾澤拉斯。所以點解「賈拉克瑟斯領主」嘅戰吼會係取代玩家嘅英雄繼續戰鬥,其實就係響應魔獸世界中呢孑段嘅情節!

而係爐石入面,當玩家利用卡牌將自己變身成「賈拉克瑟斯領主」時再打出「威爾弗雷德‧菲斯巴恩」的話,「賈拉克瑟斯領主」將會額外講一句「卑微的地精!你的傲慢將使你喪命!」,而呢一句,就係「賈拉克瑟斯領主」擊殺「威爾弗雷德‧菲斯巴恩」前講嘅一句說話。而「我才是老大阿」就係「威爾弗雷德‧菲斯巴恩」死前嘅一句嘴炮。

預言者費倫
預言者費倫可以話係近期冒起得最快嘅經典傳說牌啦!如果有留意到爐石入面嘅種族同人物設定,可能玩家都會發場覺魔獸世界/爐石戰記,其實同魔戒入面係有啲相似。而呢一個彩蛋,亦都係節錄咗「畢爾博‧巴金斯」作嘅詩其中一句「Not all those who wander are lost」黎做預言者費倫被打出時嘅對白。(中譯:並非所有流浪者都是迷失路途)

伯瓦爾‧弗塔根 / 「龍焰之血」伯瓦爾
「伯瓦爾‧弗塔根」呢個角色,可以話係巫妖王系列故事中最可歌可泣嘅角色啦!係國王瓦里安失蹤嘅時候,伯瓦爾作為攝政王代理暴風城嘅事務,甚至係天譴軍團入侵嘅時候,都係聯盟方士兵們嘅光明象徵。

而呢個張牌有2個版本,係因為「伯瓦爾‧弗塔根」最終被部落方嘅奸細陷害,最終死於憤怒之門,身中天譴瘟疫嘅「伯瓦爾」被雅立史卓莎嘅烈焰淨化咗之後,變咗一個半死不活嘅人並被巫妖王擄走,所以點解「龍焰之血」伯瓦爾身上有被火燒傷嘅痕跡。

伯瓦爾‧弗塔根嘅效果「若這張牌在你手中,每當友方手下死掉,便獲得+1攻擊力」,大概係形容伯瓦爾係瓦里安失蹤時無私付出,成為眾人希望嘅象徵。
而「龍焰之血」伯瓦爾嘅效果,則係伯瓦爾係半死後繼續為世界付出(當上新巫妖王並冰封自己)嘅另一種象徵。

相關文章

更多文章

【大馬總統】馬哈蒂爾取消中國基建

於 12小時之前發表

訪問中國前接受訪問,指會向中國談判取消多項一帶一路基建......

詳細閱讀

[香港私家醫院喜訊] 二孩政策仍未夠 傳中國明年鼓勵生三個

於 13小時之前發表

大陸實施「開放二孩」政策後,出生人口不升反跌......

詳細閱讀

看懂未來趨勢 把握學習機會
免費Windows Mixed Reality / VR虛擬現實開發及設計工作坊

 資料由客戶提供 於 13小時之前發表

VR技術走過艱辛的創始道路後,發展漸趨順利,中、港、台、日等地紛紛開設VR體驗館。最近,全球知名電子遊戲巨頭任天堂似乎也開始重視VR技術應用,有外國網民無意間發現任天堂在韌體編碼內...

詳細閱讀

【我廢】有無情緒病患者因爲盧凱彤單嘢想尋死?

於 15小時之前發表

我認係我廢,想搵個平台呻下 
三年前,我嚴重抑鬱同panic disorder又幻覺咁......

詳細閱讀

大媽入侵時代廣場!商場報警出警告信都趕唔走

於 18小時之前發表

旺角行人專用區月初「殺街」後,大批表演者轉戰尖沙咀天星碼頭及海濱一帶......

詳細閱讀