吃喝玩樂

【速成班】《爐石戰記》對戰入門訓練策略

資料由客戶提供4日之前發表

◆ 雖然情況是劣勢,但平心靜氣小心謹慎繼續
《爐石戰記》副本引入精彩嘅故事元素,遊戲獎勵豐富,無疑叫座力高。不過,唔少玩家練完兵後總係想試一試自己嘅實力,PvP二人對戰絕對係《爐石戰記》魅力所在,不單只令玩家為之著迷,其聯賽賽事更加係電競界重點盛事之一,吸引來自全球各地嘅觀眾欣賞。
「對戰模式」係由系統隨機安排玩家進行即時連線對戰,唔似得一啲單人遊戲咁有得玩玩吓嗌暫停,所以大家要確保自己有充足時間,並且調整好心態先入game。玩家贏出後會提升等級及累積對戰積分,系統將跟據你嘅戰績安排同級玩家進行對戰,避免有「恰新手」嘅情況出現,保持每場對戰嘅質素及競爭性。

各位新手玩家可能已經躍躍欲試,一嘗對戰模式嘅刺激,但另一方面又未肯定自己係咪準備好?以下係《爐石戰記》對戰入門建議:

首先要先記熟各職業嘅特色。遊戲內有九個職業,每個職業都各有不同嘅特色、玩法、攻守調度方式同技能。或者大家覺得對自己所使用嘅職業已經有一定嘅熟練度,不過想喺對戰時能夠知己知彼,玩家亦必須了解其他職業嘅路數,踏入對手嘅思考領域。

記熟各職業嘅特色只係第一步,第二步係要為自己嘅套牌制定一套針對其他職業嘅戰術。當然每個職業自然存在相剋自己嘅職業套牌,因此大家要制定當遇上相剋自己嘅職業時,點樣從劣勢中取勝。相反喺面對相剋對手職業嘅優勢時,亦要制定點樣全面發揮自身優勢,防範對手有翻身嘅機會。

喺制定職業對策之後,第三步係研究現時環境下玩家們最常用或最強勁嘅套牌,然後嘗試就自己嘅套牌諗出一套遇到呢類對手時嘅制敵策略。當然你可以選擇最容易簡單嘅方法,直接組合一套最常用嘅套牌對戰,不過一樣係要做啲功課,經常觀摩與該套牌嘅戰鬥。現時網上有大量《爐石戰記》對戰影片,相信要找到相關片段其實唔難。理解其他人套牌嘅原理,使用時就能更得心應手。



◆ 最後也可以平反敗局
此外,心理質素跟技術同樣重要,大家一定要心平氣和去看待每場比賽。由於《爐石戰記》對戰係對人戰鬥,而非電腦,每場戰鬥都唔會有穩勝嘅公式,往往有意料之外嘅狀況發生,每個玩家嘅玩法都不盡相同,所以大家要習慣應付不同嘅情況。甚至係對手惡意挑釁。

請記住,面對劣勢時不能輕言放棄,細心捕捉每個反敗為勝嘅機會,一發逆轉嘅事喺賽場係經常發生 — 可能係對手眼見勝利在望而大意;可能係自己意外抽到好牌;又可能係自己從劣勢中慢慢逐點累積優勢,但要達到上述嘅可能性,最基本嘅條件始終係要有冷靜面對劣勢嘅心境,到關鍵時刻先至能夠「逆轉勝」。

相關文章

更多文章

新世代必備職場技能
Certificate in Adobe Creative Cloud 2018 - Video Stream

 資料由客戶提供 於 1日之前發表

據說早前環境局聘請媒體主任,月薪三萬待遇,令不少人大感意外。到底這份「筍工」要如何應徵成功?首先,你要懂得剪片。其實在今時今日的網絡新世代,社交媒體盛行,除了政府機構,各私人企業、...

詳細閱讀

點解香港人咁熱愛返工?

於 2日之前發表

辭職都要搵定工先,舊工返最後一日
第二日就返新工,唔俾自己休息
......

詳細閱讀

[平行世界]《真三國無雙8》日本叫好又叫座

於 3日之前發表

《Monster Hunter World》氣勢驚人,要響推出前後仲跑得出嘅遊戲,點估到竟然係《真三國無雙8》,所以要繼續講番無雙8呢個話題啦!......

詳細閱讀

覺唔覺打隻芒亨都要趕頭趕命好傻豬?

於 3日之前發表

眼見身邊有啲人機關算盡,一心只求整一套最強裝備
然後見到人玩嗰套同佢玩嗰套唔同就話人地廢、徙時間,砌埋啲垃圾裝垃圾武器......

詳細閱讀

好多人唔知銀行開嚟係為咗賺錢,唔似政府咁為咗服務市民

於 3日之前發表

好多人話去銀行要排好耐隊,但有冇諗過係你窮先要排隊,唔通李超人同呂志和要去銀行排隊?
銀行同7-ELEVEN一樣,開嚟係要賺錢......

詳細閱讀

[3D Print]自己做玩具第二彈 旅行青蛙

於 3日之前發表

老婆話隻青蛙好得意叫我整,所以嗱嗱聲過年前起貨
今次冇乜特別,純粹印完上色,上色功力有限,冇畫到大細眼已經收貨......

詳細閱讀