吃喝玩樂

狗頭人地下城介紹(上)

資料由HK Esports提供3日之前發表

以往每個版本更新都會有一堆新卡牌同單人模式嘅地下城關卡比玩家挑戰同玩,而今次最新推出嘅資料片《狗頭人與地下城》就比以往唔同左啲,即使玩家完全係一個新手,都可以充份咁享受呢次嘅地下城關卡。因為呢一次嘅狗頭人地下城關卡所用到嘅初始牌組係全部預設好嘅,而每當玩家打敗一個Boss,就會有3組唔同嘅牌比玩家選擇其中一組加強自己嘅挑戰牌組。由於每次出現嘅選擇都係隨機,所以唔會出現絕對嘅攻略方法,亦因為咁令呢個地下城嘅魅力大增。
狗頭人地下城一共有八層,而每一層嘅Boss都係隨機嘅,玩家一開始要先選擇想玩嘅職業,然後玩家需要連續打敗八個Boss先至算通關。如果玩家成功用所有職業都通關仲會得到指定嘅特殊卡背作為獎勵。

講左咁多,都係時候入正題,呢個介紹主要係介紹狗頭人地下城入面一共四十八個Boss嘅各個特點同埋一啲值得注意嘅地方。

第一層
第一層只會係固定三個Boss入面隨機抽一個Boss出來。其中竊賊賓客比較少出現。

大老鼠 
天生技:鼠群 2費 召喚2隻1/1嘅老鼠
值得注意:有狂野怒火同森林狼,會用來加攻換怪,有識沉默嘅貓頭鷹。

小小幼龍 
天生技:幼龍吐息 2費 造成2點傷害
值得注意:有龍蛋,精靈龍,暮光幼龍同龍之吐息。

竊賊賓客 
天生技:幸運幣(必用) 0費 獲得一點費用。
值得注意:有扒手,南海水手同搶刧暴徒。


第二至七層

由於有部分Boss有機會出現係唔同嘅層數,所以第二至七層嘅Boss就唔特別指名去分層介紹。

教士葛雷夫斯 
天生技:聖光意志 0費 所有手下回復2點生命
值得注意:有受傷的大劍師,北郡教士同酸性沼澤軟泥怪。
彩蛋:利用北郡教士有人回血就會抽牌嘅特點令到葛雷夫斯抽到爆兩張牌或以上就會有特殊語音:「噢!北郡教士用過頭了」。
霜毛 
天生技:凍結 2費 凍結一個手下
值得注意:有火球術同變形術。
彩蛋:對霜毛使用寒冰箭會有特殊語音「冰冷!」。

布蘭多瑪長老 
天生技:魔法抑制(必用) 2費 施放一個法術反制
值得注意:因為佢天生技必用嘅緣故,可以用低費法術令到佢每回合都用天生技而無費出其他牌。

賽瑞歐娜 
天生技:黯淡之光 2費 令到一個手下減1攻
值得注意:龍Deck,有死亡之翼和愛睏龍,因此速攻解決最好,否則後期難打。


蠟燭鬍子 
天生技:衝鋒! 1費 賦予一個手下衝鋒
加強版天生技(高層數出現):衝鋒鋒鋒鋒! 被動 賦予手下衝鋒
值得注意:有坑道蛇,扒手,識得利用幸運幣衝鋒,用唬爛海賊補牌,而且仲有好多有衝鋒就會變得可怕嘅優質手下。如果遇到加強版就真係只有睇下好唔好運啦。

開路者哈姆 
天生技:不穩定的爆炸(必用)1費 對兩個隨機敵人造成1點傷害
加強版天生技(高層數出現):不穩定的爆破(必用)2費 對三個隨機敵人造成2點傷害
值得注意:有瘋狂的炸彈客,更瘋狂的炸彈客,投彈手同爆破隊員,仲有白沫狂戰士。
彩蛋:開路者哈姆被自己嘅手下炸死會有特殊語音「啊~不要這樣…」。

蘑菇販子麥克斯 
天生技:蘑菇!蘑菇!(必用) 2費 調配一瓶自訂的蘑菇藥水(1費,隨機卡札克斯藥水嘅效果)
值得注意:有蘑菇預言者同夜色鎮鍊金術師補血,如果有全體潛行嘅寶物,佢嘅藥水就幾乎無作用。
彩蛋:打出卡札克斯會有特殊語音「卡札克斯,你又來買藥水啦?」。

克拉克斯
天生技:巨人踐踏 2費 對所有敵方手下造成1點傷害
值得注意:克拉克斯有好多疊護甲嘅牌,而且好多牌都係同護甲有關效果。

戰吼者金佐
天生技:戰鬥圖騰 被動 所有戰吼都會發動兩次
值得注意:金佐嘅牌組入面有大量戰吼牌。
彩蛋:打出銅鬚會有特殊語音「小小矮人以為他吼得跟金佐一樣大聲?錯了!」

硫磺看守者
天生技:驅散結界 5費 沉默自己的手下
值得注意:一開始硫磺看守者就會有四個石頭魔像(2/15/5,無法攻擊,死亡之聲:摧毀你的一顆法力水晶),牌組入面有坑道蛇,帝王眼鏡蛇,一堆陷阱,亦都有更多嘅石頭魔像,盡量將Boss嘅水晶控制係2個或以下,儘快擊殺。

吟遊詩人羅賽爾
天生技:誘人的旋律 2費 控制一個攻擊力2或以下的敵方手下
值得注意:敵人係盜賊牌組,如果自己有潛行嘅寶物就可以無視敵人嘅天生技。
彩蛋:因為打電腦係無時間限制,所以如果一直唔出牌,吟遊詩人就會開始用語音唱歌,首歌就係狗頭人地下城嘅主題曲。

詹莉‧伊夏(取自普通話諧音暫離一下)
天生技:閒置 2費 發呆
值得注意:頭五個回合敵人係咩都唔會做,只會用天生技發呆,一到第六回合,佢就一定會用迅捷之靴放滿全場8/8嘅大怪,再用充盈之袋補滿手牌,最後再用閒置,大怪入面有可能有光炎魔,咁佢就會回血,要小心計錯斬殺線。
彩蛋:第六回合之前同佢講野,佢會回應「馬上好,開打的時候跟我說一下」
第六回合個時佢會講「噢,開打了嗎?」
第六回合再同佢講野佢會講「沒問題,我準備好了!」
狂法師黎瑞絲 
天生技:秘法灌注 1費 放「秘法飛彈」到你的手中
值得注意:有一大堆喚炎者,仲有密法巨人,儘量清怪打臉。
彩蛋:對狂法師黎瑞絲使用火球術會有特殊語音「火焰…火焰!」

黑種子 
天生技:進化術 0費 將一個手下變形為消耗增加1點的隨機手下
加強版天生技(高層數出現):強效進化 1費 將一個手下變形為消耗增加3點的隨機手下
值得注意:非常睇運嘅一關,尤其是係當佢係高層數出現個時,真係運氣差啲就GG。儘量先解決高費用嘅手下,可惜敵方有一堆識分身嘅手下。

真菌術師費勒戈 
天生技:真菌感染 2費 賦予你的手下+1/+1
值得注意:魚人薩牌組,會召喚好多唔同嘅圖騰,盡量清空佢嘅手下會比較好。

小偷薩朵克
天生技:戰術撤退 1費 使一個友方手下返回你的手中
值得注意:抽牌都幾快嘅任務賊,但係操作有啲蠢,係佢解完任務之前將召喚得最多次嘅怪殺死可以有效咁拖延佢完成任務嘅時間。
彩蛋:偷到小偷薩朵克完成左嘅任務時會有特殊語音。

布索斯納爾 
天生技:獵人的呼喚(必用) 3費 使你手中的卡牌消耗降低1點
值得注意:大怪流牌組,儘量用快攻打死佢。

伊克利德
天生技:噴發孢子 2費 召喚一個極端致命的孢子。
值得注意:極端致命的孢子如果對英雄造成傷害就會直接擊殺,所以一定要用手下解決佢,而且敵人會用Buff去強化孢子,都幾睇運氣,如果有拎到偷手下嘅寶物,記得要偷一隻走,打最終Boss好彩嘅話可以用佢來秒殺。

監督者莫加克
天生技:毫不留情 1費 對一個友方手下造成1點傷害並+2攻
加強版天生技(高層數出現):灼熱鞭苔 1費 對一個友方手下造成1點傷害並+5攻
值得注意:有奈幽之卵同恐龍蛋,痛苦侍僧及兩張鬥毆,如果有辦法清怪就盡量清,或者故意賣血鋪場,遇到加強版就真心睇命了。
彩蛋:打出一視同仁會有特殊語音「這些傢伙居然挨過鞭子了!」

喬治與卡爾
天生技:神聖守禦(喬治) 2費 賦予你全部的手下聖盾術
天生技:白銀之手(卡爾) 2費 召喚兩個1/1新兵
值得注意:呢一關係需要打死曬兩個Boss先算贏,每個Boss各30血,牌組係新兵聖,敵人有換手嘅法術可以交換登場。

熔岩洞窟
天生技:滿地熔岩 被動 在手下被打出後,對其造成2點傷害
值得注意:敵人有火山藥水,火山爆發,烈焰風暴等清場牌,基本上同火焰有關嘅牌佢都有,用效果召喚出來嘅手下可以避免受到2點傷害,利用呢一點進行攻略,或者直接用法術打死佢。

大蟲諾吸
天生技:大口吞下(必用) 2費 摧毀攻擊力最高的手下
值得注意:即使潛行左,只要係攻擊力最高嘅手下都會被吞下,當然如果最高攻擊力嘅手下係屬於敵人嘅都係一樣,利用呢一點可以輕鬆攻略。
彩蛋:如果大蟲諾吸吞下左有致命劇毒嘅手下,就會直接死亡。

吉魯
天生技:三個小小願望(必用) 1費 雙方各抽3張牌
值得注意:不停打臉就啱架啦,因為幾乎肯定會爆牌,而且佢又必用天生技,所以爆牌個時如果你血比佢多就贏硬。

相關文章

更多文章

新世代必備職場技能
Certificate in Adobe Creative Cloud 2018 - Video Stream

 資料由客戶提供 於 1日之前發表

據說早前環境局聘請媒體主任,月薪三萬待遇,令不少人大感意外。到底這份「筍工」要如何應徵成功?首先,你要懂得剪片。其實在今時今日的網絡新世代,社交媒體盛行,除了政府機構,各私人企業、...

詳細閱讀

點解香港人咁熱愛返工?

於 2日之前發表

辭職都要搵定工先,舊工返最後一日
第二日就返新工,唔俾自己休息
......

詳細閱讀

[平行世界]《真三國無雙8》日本叫好又叫座

於 3日之前發表

《Monster Hunter World》氣勢驚人,要響推出前後仲跑得出嘅遊戲,點估到竟然係《真三國無雙8》,所以要繼續講番無雙8呢個話題啦!......

詳細閱讀

覺唔覺打隻芒亨都要趕頭趕命好傻豬?

於 3日之前發表

眼見身邊有啲人機關算盡,一心只求整一套最強裝備
然後見到人玩嗰套同佢玩嗰套唔同就話人地廢、徙時間,砌埋啲垃圾裝垃圾武器......

詳細閱讀

好多人唔知銀行開嚟係為咗賺錢,唔似政府咁為咗服務市民

於 3日之前發表

好多人話去銀行要排好耐隊,但有冇諗過係你窮先要排隊,唔通李超人同呂志和要去銀行排隊?
銀行同7-ELEVEN一樣,開嚟係要賺錢......

詳細閱讀

[3D Print]自己做玩具第二彈 旅行青蛙

於 3日之前發表

老婆話隻青蛙好得意叫我整,所以嗱嗱聲過年前起貨
今次冇乜特別,純粹印完上色,上色功力有限,冇畫到大細眼已經收貨......

詳細閱讀