吃喝玩樂

狗頭人地下城介紹(下)

資料由HK Esports提供5個月之前發表

Hello大家好,今日繼續同大家介紹埋上集未介紹完嘅狗頭人地下城Boss。
第二至七層

由於有部分Boss有機會出現係唔同嘅層數,所以第二至七層嘅Boss就唔特別指名去分層介紹。

轟鬍子 
天生技:加入戰鬥(必用)2費 雙方玩家號召一個手下
值得注意:敵人牌組幾乎都係大怪,抽到咩真係聽天由命。
彩蛋:使用塞納留斯的號角個時會有特殊語音「啊!什麼?你作弊!」
戈穆克 
天生技:消化魔法 被動 每當你的對手施放法術,召喚一個礦道穴居怪
加強版天生技(高層數出現):魔法代謝 被動 每當你的對手施放法術,抽一張牌並使其消耗變為1費
值得注意:有好多同法術相關嘅手下同埋超載手下,有粉碎之手同閃電風暴清場,大牌有雪怒巨人,利用範圍攻擊法術可以連同召喚出來嘅穴居怪一齊消滅。
有特殊手下(貪食穴居怪3/3/3,當你的對手施放法術,獲得+1/+1)
彩蛋:如果放法術令到戈穆克爆牌會有特殊語音「別再放了!」

雅瑞長老
天生技:神秘屏障 1費 獲得3點護甲
值得注意:德魯伊牌組,有終極瘟疫,泰蘭塔斯,伊瑟拉同遺忘君主昆恩。
巫毒大師維克斯
天生技:混沌圖騰 被動 所有戰吼和死亡之聲都會觸發兩次
值得注意:敵人牌組全部都係戰吼怪或者死聲怪,全部都係煩死人。如果自己咁啱有選到偏戰吼或者偏死聲嘅牌組會相對好打,否則就有啲要靠運啦。

有機關的房間
天生技:警報裝置 被動 每當你的秘密揭露,召喚一個3/3的鋸刃
值得注意:一開始敵人就會有5個隨機秘密,盡量只鋪場唔攻擊,如果對方召喚乙太密法師先出擊打死佢,當然會觸發到一啲秘密,但盡量唔好用法術同打臉,因為佢牌組係一大堆秘密,手下唔算多,清曬手下之後就一直空過,等佢疲勞而死。

黏媽媽
天生技:黏黏(必用) 2費 賦予手中手下+1/+1
值得注意:由於敵人開場就已經有2費,所以都幾難打,牌組入面一堆識分身嘅手下同指虎那寇斯。
特殊手下:1/1/1變大的軟泥怪(你的回合開始時獲得 +1/+1)
4/2/4回響軟泥怪(當此手下受傷後存活,召喚他的複製體)

時間術士伊娜菈
天生技:偷取時間(必用) 10費 摧毀你的3顆法力水晶,額外獲得一個回合
值得注意:敵人使用嘅係夜夜卡拉贊第一關麥迪文的牌組,而我地就要扮演莫克札比人虐殺(誤)。
特殊牌:2/2/4麥迪文的學徒(每當你施法,將法術洗入牌堆)
    1費 星界傳送門(召喚一個傳說手下)
    3費 大法師的洞察(當回合法術變成0費)
敵人有機會用大法師加無限火球進行虐殺。
彩蛋:打出變化沙漏會有特殊語音「你也去過永恆之島?」
   另外伊娜菈使用天生技後會變後生版本。

蠟術師史嘟咪
天生技:雕塑蠟像 1費 召喚一個手下的1/1分身
加強版天生技(高層數出現):凝固的蠟像 3費 召喚一個手下的複製體
值得注意:獵人牌組,盡量將有死亡之聲嘅清乾淨,自己都盡量唔好放有死聲嘅怪比佢複製,複製出來嘅手下係原本嘅體質,唔會受到寶物嘅加成,所以如果佢複製嘅係我方有寶物加成左而又得返一血嘅手下,複製出來嘅手下會直接死亡。
彩蛋:打出蠟燭狂怒者會有特殊語音「他會一直出現。」

泰德
天生技:釣後放流 0費(必用)從你的牌組召喚一個隨機手下
值得注意:呢一關本身就無咩難度,泰德無手牌,牌組只有十張,但因為佢唔會抽牌,所以唔會受到疲勞影響,本身就咁打佢就無咩難度可言。
彩蛋:事實上如果我地可以係唔令到泰德受傷嘅情況之下,令佢一直用天生技召曬所有手下出來之後,再到佢個時會釣出一個寶箱,寶箱有死聲就係令到泰德嘅釣竿加入對手牌組,然後輸掉。咁我地打爆個箱就可以得到泰德嘅釣竿啦。

靈語者阿祖恩
天生技:亡者圖騰 被動 所有死亡之聲觸發兩次
值得注意:敵人係任務牧牌組,一堆死聲手下,如果比敵人完成到任務會好麻煩。
彩蛋:打出有死亡之聲嘅手下會有特殊語音「嘿嘿,那一個還不錯。」

藏寶庫
天生技:門要關了(必用) 5費 關閉寶庫
值得注意:開場有七個寶箱(0/10:死亡之聲 獲得寶物並放入你的套牌)
如果牌組入面有末日預言者就爽到爆。

第八層
第八層嘅最終Boss係由五隻入面隨機抽一個登場。最終Boss最初就有三個法力水晶。

「無傷者」莎爾
天生技:我來看看! 被動 在你的回合結束時,放一張光束到你的手中
值得注意:呢關Boss加入手牌嘅光束可以靠語音去分辨。
發冷:3費 冰霜光束 凍結一個隨機敵方手下及其兩側手下
發火:3費 火焰光束 對全部敵方手下造成2點傷害
發累:3費 衰亡光束 摧毀一顆對手的法力水晶
發昏:3費 混亂光束 控制一個隨機敵方手下
發驚:3費 恐懼光束 將一個隨機敵方手下洗回你對手牌堆中
發作:3費 死亡光束 摧毀所有受傷的敵方手下
Boss嘅牌組係棄牌任務術,而如果比佢成功解完基本上就好難贏,所以如果有選到嚎叫魔犬可以利用佢將任務獎勵嘅傳送門棄掉,又或者如果有搶奪手套更加可以直接搶傳送門過來用。
無邊黑暗
天生技:黑暗逼近(必用)0費 召喚一個5/5的黑暗之子
值得注意:開場我方就會自動得到三張光明之燭(可以驅散所有黑暗之子),敵方牌組係控制牧,如果有永久潛行寶物就好易對付,秘密有盜賊的閃避同臨陣倒戈,無永久潛行時寶物就盡量小心吧,畢竟最終Boss嘅牌組真係很強,放大怪就會被偷,鋪場就被清湯,睇彩數。
彩蛋:如果忠誠的跟班被入葬,再被打出時會說「這是不可避免的背叛。」

「吞噬者」阿薩利
天生技:吞噬 (必用)0費 移除對手牌堆最上面兩張牌
值得注意:Boss嘅牌組係惡魔術,主要係天生技非常麻煩,如果比天生技移除左關鍵嘅牌就會陷入巨大嘅劣勢,寶物如果有選到偶然立方體而且又抽到上手嘅話就可以剋制到呢個Boss。

托哥瓦哥國王
天生技:魔法蠟燭 (必用)3費 找到一個寶藏
值得注意:純粹睇命,好彩就國王抽到一堆無咩用嘅寶物,仲要搞到自己成場垃圾,唔好彩嘅真心唔需要反抗,因為根本無得反抗。秘密有閃避同臨陣倒戈,有幸打到後期嘅話,佢頭上嘅蠟燭拉卡尼修會係佢回合開始個時隨機對敵人造成四點傷害。

「上古之龍」烏斯塔茲
天生技:報復吐息 (必用)0費 每失去一個寶箱,對全部敵人造成1點傷害
值得注意:Boss會用Buff去加強寶箱,盡量只解手下,唔解寶箱嘅情況之下打臉。
特殊手下:2/2/3炫彩龍(每當對手使用法術,獲得+2/+2)



後記

唔知大家仲記唔記得一開始講過,今次嘅地下城有一共四十八隻唔同嘅Boss呢,而唔知大家又有無特別去數過點解好似得四十二隻Boss嘅介紹呢?其實係咁多隻Boss入面,其中六隻有寫有加強版天生技嘅被官方當作係唔同嘅存在,所以一共係42+6隻。希望大家係睇完呢篇介紹之後能夠有所得著,順利咁達成全職攻略,得到獎勵啦。

相關文章

更多文章

巨型機械人對戰遊戲考驗四人合作

 航仔 於 2日之前發表

機械人對戰題材對科幻迷有無限吸引力,《Override: Mech City Brawl》主打巨型機械人互片,又或者以機械人對抗怪物,一邊打交一邊破壞市內建築物。除咗正路嘅單人故事...

詳細閱讀

畀我捉到隻90後做過倫敦金嚟見工

於 2日之前發表

事緣有隻90後Send CV嚟見我地公司嘅Marketing Executive就咁望個下份CV,見佢無咩工作經驗,但都叫有IVE畢業(無寫幾時畢業......

詳細閱讀

盆栽機械人HEXA幫手打理植物

 航仔 於 2日之前發表

照顧一盆植物需要持之以恆咁灌溉,擺放喺陽光充足嘅地方但又唔可以長期暴灑。Vincross之前曾開發出一部6腳嘅機械人HEXA,外形有啲似寄居蟹,而「改良版本」仲識得孭住盆栽四圍行。...

詳細閱讀

點睇陳海林個印巴裔細佬都話出黎藝能界搵食

於 2日之前發表

陳凱琳(Grace)今日在Instagram分享視頻,她跟一位「疑似」外籍鬍鬚型男親密嬉戲,兩人臉貼臉,攬腰,他更輕托Grace下巴為她化妝。......

詳細閱讀

天水圍童黨燒人西毛

於 2日之前發表

全部12,13 歲聽講5男2女 男既又搵木棍插受害人下體 又輪姦 唔知係唔係真......

詳細閱讀

對剪片亳無頭緒?立即學大師級攝錄剪接技巧
Certificate in Adobe Creative Cloud 2018 - Video Stream

 資料由客戶提供 於 2日之前發表

今時今日網絡發達,在網上上載及分享作品到世界各地十分容易,只要有創意有技術,要一夜成名並不是難事。事實上,一些人的確憑著神級影片突圍而出。不過更多的人只停留在「想」的階段......

詳細閱讀